19.05.2026 | 14:08
Իրանի խաղաղության նոր առաջարկը ներառում է պատերազմական վնասի փոխհատուցում և ամերիկյան զորքերի դուրսբերում
ԱՄՆ-ի ծրագիրը ենթադրում է Դոնբասը «վարձակալությամբ» տրամադրել Ռուսաստանին․ The Telegraph
Քաղաքականություն
20.11.2025 | 19:24
Ռուսաստանի և Ուկրաինայի միջև պատերազմին առնչվող ամերիկյան նոր խաղաղության ծրագիրը նախատեսում է, որ ՌԴ-ն «վարձակալության» վճար կվճարի Դոնբասի նկատմամբ վերահսկողության համար։ Այս մասին գրել է բրիտանական The Telegraph-ը՝ հղում անելով աղբյուրներին, փոխանցում է Meduza-ն։
Լրատվամիջոցը չի ներկայացնում այս կետի ճշգրիտ ձևակերպումը՝ նշելով միայն, որ դա վերաբերում է «հողի համար վճարին» և ակնարկելով, որ դա ֆինանսական փոխհատուցում է՝ Ուկրաինայի կողմից հանքանյութերով հարուստ իր տարածքի մի մասի հասանելիությունը կորցնելու դիմաց։ Փոխհատուցման չափը չի նշվում։
The Telegraph-ը նաև նշում է, որ «վարձակալության պայմանագիրը» թույլ կտա Ուկրաինայի իշխանություններին խուսափել Դոնբասից հրաժարվելու հարցի վերաբերյալ ազգային քվեարկություն անցկացնելուց, ինչպես նախատեսված է երկրի Սահմանադրությամբ: Միևնույն ժամանակ, նշվում է, որ Ուկրաինան իրավաբանորեն կպահպանի Դոնբասը որպես իր տարածք, չնայած տարածաշրջանը փաստացի կվերահսկվի Ռուսաստանի կողմից:
Ռուսաստանի և Ուկրաինայի միջև պատերազմը դադարեցնելու՝ ԱՄՆ-ի մշակած նոր ծրագրի մասին լրատվամիջոցները հայտնել էին նոյեմբերի 19-ին։ Ծրագիրը նախատեսում է, որ Ուկրաինան փաստացի կհանձնի Դոնբասը, կիսով չափ կկրճատի Ուկրաինայի զինված ուժերի թիվը, կհրաժարվի որոշակի զինատեսակներից և ռուսերենը կճանաչի որպես երկրի պաշտոնական լեզու։
Թարգմանությունը՝ Էմմա Չոբանյանի
