31.10.2026 | 11:33
Հորդառատ անձրևի հետևանքով Երևանում և Կոտայքում ջրալցումներ են եղել․ հեռացվել է մոտ 27 տոննա ջուր
Հրդեհ Ռյազանի ձեռնարկության տարածքում․ ենթադրաբար, կրկին հարձակման է ենթարկվել նավթավերամշակման գործարանը․ ՏԵՍԱՆՅՈՒԹ
Քաղաքականություն
20.11.2025 | 12:54
ՌԴ Ռյազանի մարզի նահանգապետ Պավել Մալկովը հայտնել է ձեռնարկության տարածքում հրդեհի բռնկման մասին, որն առաջացել է անօդաչու թռչող սարքերի բեկորների ընկնելու հետևանքով։ Նա չի նշել, թե որ գործարանի մասին է խոսքը, հայտնել է միայն, որ տուժածներ չկան, գրում է Current time-ը։
Ռուսաստանի Պաշտպանության նախարարությունը հայտնել է տարածաշրջանի վրա ուկրաինական 16 անօդաչու թռչող սարքերի խոցման մասին: Astra-ի վերլուծության համաձայն՝ համացանցում հայտնված տեսանյութը նկարահանվել է Բիստրեցկայա փողոցի մոտակայքում, հարվածի թիրախ է դարձել Ռյազանի նավթավերամշակման գործարանը: Ուկրաինական Supernova+ տելեգրամ ալիքը նույնպես հայտնել է նավթավերամշակման գործարանի վրա հարձակման մասին:
Astra-ն հաշվարկել է, որ սա Ռյազանի նավթավերամշակման գործարանի վրա առնվազն ութերորդ հարձակումն է 2025 թվականի սկզբից ի վեր։ Ավելի վաղ, նավթավերամշակման գործարանը հարձակման էր ենթարկվել նաև նոյեմբերի լույս 15-ի գիշերը։ Reuters-ը, հղում անելով ոլորտի աղբյուրին, հայտնել էր, որ նավթավերամշակման գործարանը հարձակումից հետո դադարեցրել է հում նավթի վերամշակումը և մինչև նոյեմբերի վերջը կմնա անգործուն։
Ռյազանի նավթավերամշակման գործարանի վրա հարձակման պաշտոնական հաստատում դեռևս չկա։
Այս ձեռնարկությունը պատկանում է «Ռոսնեֆտ»-ին, այն Ռուսաստանի հինգ խոշորագույն նավթավերամշակման գործարաններից մեկն է։ Ռուսաստանի նավթագազային օբյեկտների վրա ուկրաինական հարվածների ինտենսիվությունը կտրուկ աճել է 2025 թվականի օգոստոս և սեպտեմբեր ամիսներին։
Միջազգային էներգետիկ գործակալության տվյալներով՝ ռուսական նավթավերամշակման գործարաններում նավթի վերամշակման տեմպերը կնվազեն առնվազն մինչև 2026 թվականի կեսերը՝ ուկրաինական հարվածների պատճառով։
Թարգմանությունը՝ Էմմա Չոբանյանի
