02.10.2026 | 18:19
Ֆրանսիան հրաժարվել է հաստատել Բաքվի հետ ՆԱՏՕ-ի գործընկերության ծրագիրը, Թուրքիան էլ արգելափակել Հայաստանի ծրագիրը․ Politico
Արմեն Գրիգորյանը հանդիպել է Կիպրոսի Հետախուզության ծառայության տնօրեն Տասոս Ցիոնիսի հետ
Քաղաքականություն
20.11.2025 | 11:28
Կիպրոսի Հանրապետություն կատարած աշխատանքային այցի ընթացքում ՀՀ անվտանգության խորհրդի քարտուղար Արմեն Գրիգորյանը հանդիպել է Կիպրոսի նախագահի ազգային անվտանգության խորհրդական և Հետախուզության ծառայության տնօրեն Տասոս Ցիոնիսի հետ։ Նշվում է, որ Տասոս Ցիոնիսի խնդրանքով Արմեն Գրիգորյանը ներկայացրել է «Թրամփի ուղի՝ հանուն միջազգային խաղաղության և բարգավաճման» նախագծի իրագործման համար անհրաժեշտ նախապատրաստական աշխատանքների ընթացքը։
ՀՀ անվտանգության խորհրդի գրասենյակից հյատնում են, որ ԱԽ քարտուղարը շնորհակալություն է հայտնել կիպրական կողմին ցուցաբերած ջերմ ընդունելության համար և ընդգծել Հայաստանի ու Կիպրոսի միջև քաղաքական հարաբերությունների բարձր մակարդակը՝ կարևորելով բարձրաստիճան փոխայցելությունների և շարունակական շփումների դերը։
«Զրուցակիցները քննարկել են երկկողմ քաղաքական օրակարգի լայն շրջանակ, ինչպես նաև բազմակողմ ձևաչափերում համագործակցության հնարավորությունները։ Արմեն Գրիգորյանը շնորհակալություն է հայտնել հայկական կառույցներին կիպրական իշխանությունների հետևողական աջակցության համար:
Կողմերն անդրադարձել են Հարավային Կովկասում հաստատված խաղաղությանը և դրա արդյունքում իրականացվող քայլերին։ Տասոս Ցիոնիսի խնդրանքով Արմեն Գրիգորյանը ներկայացրել է «Թրամփի ուղի՝ հանուն միջազգային խաղաղության և բարգավաճման» նախագծի իրագործման համար անհրաժեշտ նախապատրաստական աշխատանքների ընթացքը:
Երկուստեք վերահաստատվել է պատրաստակամությունը շարունակելու համատեղ ջանքերը՝ լիարժեք իրացնելու երկկողմ համագործակցության ներուժը՝ ի նպաստ երկու ժողովուրդների բարեկամության և փոխադարձ հետաքրքրություն ներկայացնող օրակարգերի առաջմղման»,- ասված է հաղորդագրությունում։
