07.09.2026 | 17:13
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Կուրսկի մարզում էլեկտրական ենթակայանի վրա հարձակումից հետո 16,000 մարդ մնացել է առանց էլեկտրաէներգիայի
Քաղաքականություն
20.11.2025 | 11:54
Ուկրաինական ուժերը հարվածել են ՌԴ Կուրսկի մարզի սահմանամերձ շրջաններում գտնվող էլեկտրական ենթակայաններին։ Այս մասին հայտնել է մարզի ղեկավար Ալեքսանդր Խինշտեյնը։ Նա հայտնել է, որ Գլուշկովսկի, Ռիլսկի և Կորենևսկի շրջանների ավելի քան 16,000 բնակիչներ մնացել են առանց էլեկտրաէներգիայի, գրում է Meduza-ն։
Ռիլսկն արդեն միացված է պահեստային էլեկտրաէներգիայի աղբյուրներին։ Խինշտեյնը նշել է, որ էներգետիկները կփորձեն հնարավորինս արագ վերացնել հարվածների հետևանքները։
«Նովայա գազետա Եվրոպա»-ի հաշվարկներով՝ 2025 թվականի հունվարից մինչև հոկտեմբեր Ռուսաստանի էներգետիկ օբյեկտներում տարբեր պատճառներով 4189 անգամ էլեկտրաէներգիայի անջատում է գրանցվել։ Լրատվամիջոցը նշել է, որ յուրաքանչյուր տասը անջատումից մեկը պայմանավորված է եղել ուկրաինական անօդաչու թռչող սարքերի հարվածներով։
Նոյեմբերի 20-ի առավոտյան ՌԴ ՊՆ-ն հայտնել է, որ գիշերը Ռուսաստանի տարածքում ոչնչացվել է ուկրաինական 64 անօդաչու թռչող սարք, ևս մեկը՝ բռնակցված Ղրիմի վրա: Որևէ հիշատակում չկա Կուրսկի մարզի վրա անօդաչու թռչող սարքերի հարձակումների մասին:
Թարգմանությունը ՝ Էմմա Չոբանյանի
