28.04.2026 | 16:06
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
Վարչապետի գլխավորությամբ քննարկվել են պետական կառավարման համակարգում արդյունավետության խթանմանը վերաբերող հարցեր
Քաղաքականություն
19.11.2025 | 21:16
Վարչապետ Նիկոլ Փաշինյանի գլխավորությամբ կայացած խորհրդակցությանը քննարկվել է պետական կառավարման համակարգում կատարողականի գնահատման և խրախուսման պիլոտային ծրագիրը, որը նախատեսվում է դարձնել հանրային ծառայության արդյունավետության բարձրացման ու 2026 թվականին սպասվող օրենսդրական փոփոխությունների հիմք։ Այս մասին տեղեկացնում են Կառավարության մամուլի ծառայությունից։
«Ներկայացվել է, որ ծրագիրն ուղղված է լինելու հանրային ծառայության համակարգի մրցունակության բարձրացմանը, ինստիտուցիոնալ արդիականացմանը, կատարողականի գնահատման միջոցով պետական կառավարման համակարգի արդյունավետության բարձրացմանը: Մանրամասներ են ներկայացվել պիլոտային ծրագրի սկզբունքների, շրջանակի և շարունակականության վերաբերյալ: Ընդգծվել է, որ պիլոտային ծրագրի եզրակացությունները հիմք կդառնան 2026թ․ ընթացքում օրենսդրական վերանայումների համար:
Խորհրդակցության մասնակիցները ծրագրի վերաբերյալ ներկայացրել են տարբեր դիտարկումներ, տեսակետներ ու առաջարկություններ:
Վարչապետը կարևորել է պետական կառավարման համակարգում մարդկային ռեսուրսների ու կարողությունների բարելավմանն ուղղված քայլերը և այս համատեքստում ընդգծել որակավորման բարձրացման համար անհրաժեշտ պայմանների ստեղծման անհրաժեշտությունը: Քննարկման արդյունքներով՝ երկրի ղեկավարը պատասխանատուներին հանձնարարել է հնչեցված առաջարկությունների հիման վրա լրամշակել նախագիծը և ներկայացնել Կառավարության հաստատմանը»,- ասված է հաղորդագրությունում։
