13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Եղիշե Մելիքյանն ամփոփել է ԱԱ-2026-ի ընտրական փուլը
19.11.2025 | 17:35
Ֆուտբոլի Հայաստանի ազգային հավաքականի գլխավոր մարզիչ Եղիշե Մելիքյանն ամփոփել է 2026թ․ աշխարհի առաջնության եվրոպական գոտու ընտրական մրցաշարը։
«Որակավորման այս փուլը մեզ համար դժվար ստացվեց։ Նախ ցանկանում եմ ներողություն խնդրել մեր կրած պարտությունների համար։ Գիտեմ՝ սպասումները մեծ էին, բայց չկարողացանք ձեզ տալ այն ուրախությունը, որին արժանի էիք։
Միևնույն ժամանակ, ցանկանում եմ սրտանց շնորհակալություն հայտնել յուրաքանչյուրին, որ ամբողջ ընթացքում մեր կողքին էինք։ Ձեր հավատարիմ աջակցությունը մեզ ուժ է տալիս, որպեսզի շարունակենք և ավելի ամուր թիմ դառնան։ Վերադառնալու ենք ավելի պատրաստ, ավելի ուժեղ և ավելի միասնական»,- Եղիշե Մելիքյանի խոսքը մեջբերում է ՀՖՖ մամուլի ծառայությունը։
Հիշեցնենք, որ ընտրական փուլի 6 խաղում Հայաստանի հավաքականը կրեց 5 պարտություն, տարավ 1 հաղթանակ ու 3 միավորով եզրափակեց մրցաշարային աղյուսակը։ F խմբում 13 միավորով հաղթել էր Պորտուգալիայի հավաքականը՝ նվաճելով ԱԱ-2026-ի եզրափակիչ փուլի ուղեգիր։ Իռլանդիայի հավաքականը 10 միավորով գրավել էր երկրորդ տեղը և դուրս եկել անցումային փլեյ-օֆֆ, իսկ հունգարացիները 7 միավորով երրորդն էին։
