14.02.2026 | 18:29
Բոլորին հետաքրքիր է՝ ինչ տեսք կունենա Երևանի և Բաքվի միջև խաղաղությունը. ադրբեջանցի փորձագետ. ՏԵՍԱՆՅՈՒԹ
Ռոնալդուն եղել է Սպիտակ տանը և ծանոթացել Դոնալդ Թրամփի ընտանիքի հետ
19.11.2025 | 15:42
Պորտուգալիայի հավաքականի ավագ, Սաուդյան Արաբիայի առաջնության առաջատար «Ալ Նասրի» հարձակվող Կրիշտիանու Ռոնալդուն եղել է Սպիտակ տանը և հանդիպել ԱՄՆ նախագահ Դոնալդ Թրամփի հետ, հաղորդում է ESPN-ը։
40-ամյա ֆուտբոլիստը Սպիտակ տանը մասնակցել է տոնական ընթրիքի՝ նվիրված Սաուդյան Արաբիայի թագաժառանգ Մուհամեդ բին Սալմանի այցին։
Ռոնալդուն ծանոթացել է Դոնալդ Թրամփի ընտանիքի անդամների հետ։ ԱՄՆ նախագահի խոսքով, իր 19-ամյա որդի Բարոնը «Ոսկե գնդակի» 5-ակի դափնեկրի երկրպագու է և հիացած է եղել նրա հետ հանդիպումից։
«Բարոնն ու Կրիշտիանուն ծանոթացան։ Ինչպես երևում է, հիմա որդիս ավելի շատ է հարգում իր հորը միայն նրա համար, որ ես ծանոթացրի նրանց»,- ասել է Դոնալդ Թրամփը։
ԱՄՆ նախագահը Ռոնալդուին նվիրել է Սպիտակ տան խորհրդանշական բանալին։
Տոնական ընթարիքին մասնակցել են նաև ՖԻՖԱ-ի նախագահ Ջանի Ինֆանտինոն, Amazon-ի հիմնադիր Ջեֆ Բեզոսը և մոլորակի ամենահարուստ մարդ Իլոն Մասկը։
