30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Լեհաստանը փակում է երկրում գործող ՌԴ վերջին հյուպատոսությունը՝ ի պատասխան երկաթուղային դիվերսիայի
Քաղաքականություն
19.11.2025 | 15:16
Լեհաստանը որոշել է փակել Գդանսկում Ռուսաստանի գլխավոր հյուպատոսությունը: Reuters-ի փոխանցմամբ՝ այս մասին հայտարարել է երկրի արտաքին գործերի նախարար Ռադոսլավ Սիկորսկին: Նա նշել է, որ հյուպատոսությունը բացելու՝ Լեհաստանի համաձայնությունը հետ կկանչվի՝ ի պատասխան երկաթուղում վերջերս տեղի ունեցած դիվերսիայի, գրում է The Insider-ը։
Ավելի վաղ փակվել էին նաև Կրակովում (հունիսին) և Պոզնանում (2024 թվականի նոյեմբերին) Ռուսաստանի հյուպատոսությունները։ Գդանսկում ներկայացուցչության փակումից հետո Ռուսաստանի քաղաքացիները կկարողանան հյուպատոսական ծառայություններ ստանալ միայն Վարշավայում Ռուսաստանի դեսպանատան հյուպատոսական բաժնում։
Նոյեմբերի 16-ին Վարշավա-Լյուբլին գծի վրա, Լեհաստանի մայրաքաղաքից մոտավորապես 100 կմ հեռավորության վրա, տեղի ունեցած պայթյունը վնասել էր երկաթուղային գծերը: Ոստիկանությունը մոտակայքում հայտնաբերել էր երկրորդ պայթուցիկ սարքը, որը չէր պայթել:
Նոյեմբերի 18-ին Լեհաստանի վարչապետ Դոնալդ Տուսկը հայտարարել է, որ երկաթուղային դիվերսիայի երկու կասկածյալներ են հայտնաբերվել: Նրանք Ուկրաինայի քաղաքացիներ են, որոնք գործել են ռուսական հատուկ ծառայությունների հրահանգներով:
Թարգմանությունը՝ Էմմա Չոբանյանի
