28.10.2026 | 21:00
Ի՞նչ փոփոխություններ կլինեն նոր Սահմանադրությունում․ հարցազրույց Սրբուհի Գալյանի հետ․ ՏԵՍԱՆՅՈՒԹ
Բուֆոնի որդին 2-րդ հեթ-տրիկն է գրանցել մեկ շաբաթում
19.11.2025 | 14:35
Իտալացի լեգենդար դարպասապահ Ջանլուիջի Բուֆոնի որդի Լուի Բուֆոնը ևս մեկ հեթ-տրիկ է գրանցել Չեխիայի մինչև 19 տարեկանների հավաքականի կազմում։
Այս անգամ 17-ամյա հարձակվողը Եվրոպայի Մ19 առաջնության որակավորման փուլի խաղում 3 գոլ է խփել Հյուսիսային Իռլանդիայի Մ19 թիմին՝ օգնելով չեխերին հաղթել 4։0 հաշվով։
Օրեր առաջ Լուի Բուֆոնը հեթ-տրիկի հեղինակ էր դարձել ադրբեջանցիների դեմ հաղթական խաղում (6։1)։
Լուի Բուֆոնը խաղում է Ա սերիան ներկայացնող «Պիզա» ակումբում, որի կազմում այս մրցաշրջանում նորամուտն է նշել Իտալիայի առաջնությունում։ Նրա մայր Ալյոնա Շերեդովան ազգությամբ չեխ է։
Հիշեցնենք, որ Լուիի հայրը՝ Ջանլուիջի Բուֆոնը, 1997–2018 թվականներին խաղացել է Իտալիայի ազգային հավաքականում, որի կազմում 2006թ․ դարձել է աշխարհի չեմպիոն։
