11.09.2026 | 16:50
ՀԷՑ-ի մասով մի անհանգստացեք. ՀէՑ-ը կվերադառնա իր օրինական տիրոջը. Սամվել Կարապետյան. ՏԵՍԱՆՅՈՒԹ
Զելենսկին այցով Թուրքիայում է․ սպասվում են բանակցություններ Էրդողանի և Ուիթկոֆի հետ
Քաղաքականություն
19.11.2025 | 13:58
Ուկրաինայի նախագահ Վլադիմիր Զելենսկին աշխատանքային այցով ժամանել է Անկարա, որտեղ նրան դիմավորել են թուրք պաշտոնյաները, ինչպես նաև Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը, որն ավելի վաղ է մեկնել Թուրքիայում է, գրում է BBC-ի ռուսական ծառայությունը։
Ումերովը հայտարարել էր, որ մտադիր է ակտիվացնել գերիների փոխանակման շուրջ բանակցությունները։
Զելենսկին չորեքշաբթի բանակցություններ է վարելու Թուրքիայի նախագահ Ռեջեփ Թայիփ Էրդողանի և ԱՄՆ նախագահի հատուկ ներկայացուցիչ Սթիվ Ուիթկոֆի հետ։
Ավելի վաղ The Economist-ի լրագրող Օլիվեր Քերոլը հայտնել էր, որ Ուկրաինայի նախագահի աշխատակազմի ղեկավար Անդրեյ Երմակի և ԱՄՆ նախագահի բանագնաց Սթիվեն Ուիթկոֆի միջև նոյեմբերի 19-ին Թուրքիայում նախատեսված բանակցությունները չեղարկվել են։
«Կարևոր է հասկանալ, որ Ուիթկոֆի և Երմակի միջև վաղը Թուրքիայում նախատեսված բանակցությունները չեղարկվել են։ Ինձ ասել են, որ Ուիթկոֆը չէր կարող գիտակցել, թե ինչ սկադալի մեջ է մտնում՝ համաձայնվելով հանդիպմանը»,- գրել է Քերոլը։
Նա չի մանրամասնել, թե ինչ սկանդալի մասին է խոսքը։
Թարգմանությունը՝ Էմմա Չոբանյանի
