Տուժած քաղաքացիները ոստիկանությունում ոչ պատշաճ վերաբերմունքի են արժանանում. իրավապաշտպան․ ՏԵՍԱՆՅՈՒԹ

«Քաղաքացիների հետ միասին եկել ենք հանցագործության մասին ուղիղ հայտարարություն տալու Գլխավոր դատախազին»,-այս մասին լրագրողների հետ զրույցում ասաց HELLOBIT-ի և այլ ներդրումային խարդախությունների գործի հետ կապված «Հանրային վերահսկողություն» ՀԿ-ի նախագահ, իրավապաշտպան Մհեր Կարագյոզյանը։

Նրա խոսքով՝ ոստիկանությունը իրավիճակին համապատասխան չի արձագանքում իրավիճակին, տուժողներին պատշաճ վերաբերմունք ցույց չի տալիս։
««Իսկ ո՞ւր էր ձեր գլուխը», «իսկ ինչի՞ խաբվեցիք», «միթե էդքան վստահելի էին», «ինչի՞ եք էդ գումարները փոխանցել»… «եկեք մի բողոքեք, գիտե՞ք՝ ինչի համար եք բողոքում, մեկ ա՝ հանցագործությունը չի բացահայտվելու, մեկ ա՝ ձեր գումարները չեն վերադարձնելու»։ Գրեթե բոլոր մարզերի ոստիկանության բաժիններից քաղաքացիները ստացել են նմանատիպ պատասխաններ։ Էսօր դուք հարցում անեք, թե օրինակ՝ HELLOBIT-ը պայթելուց հետո քանի՞ ահազանգ են իրանք ստացել, ձեզ տասնյակ դեպքեր կասեն։ Ավելի քիչ դեպքեր կասեն, քան թե մեր գրավոր կերպով ստացած դիմումներն են»,-նշեց Կարագյոզյանը։

Դեպքեր են եղել, երբ քաղաքացիները կարողացել են գումարներ կանխիկացնել, հետո իրենցից ավելի շատ են ուզել, հարազատների ներգրավման դեպքում էլ առավելություններ են խոստցել։

«Եվ ստեղծվում ա մի իրավիճակ, որ էսօր ոստիկանությունը նույնիսկ դա օգտագործում ա, ասելով, որ «եթե ձեր ընտանիքի անդամն էր կամ ձեր բարեկամն էր ձեզ ներգրավել էդ ծուղակի մեջ, գուցե դուք բողոքեք, և գուցե ինքն էլ մեղադրվի»։ Սակայն ինքը էստեղ չարամտություն չի ունեցել և չի կարող մեղադրվել։ Եվ սա ոստիկանության կողմից մասնագիտական մոտեցում չի առնվազն։ Սրանով պայմանավորված՝ բողոքները չափից շատ քիչ են։ Ի լուր Ներքին գործերի նախարարությանը, ասեմ, որ Քննչական կոմիտեի օրենսդրական պարտականությունն ա բացահայտել հանցագործությունը»,-նշեց իրավապաշտպանը։

Մանրամասները՝ տեսանյութում։