19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Կարեն Դեմիրճյանի անվան մարզահամերգային համալիրը 2024-ին 116.5 մլն դրամ շահույթ է ունեցել
19.11.2025 | 13:21
Պետական գույքի կառավարման կոմիտեից հայտնում են, որ «Կարեն Դեմիրճյանի անվան մարզահամերգային համալիր» ՓԲԸ-ն նախորդ տարի արձանագրել է 116․5 մլն դրամ զուտ շահույթ․ այս մասին նշվել է ընկերության 2024 թվականի տարեկան ժողովի ընթացքում, որը կայացել է նոյեմբերի 18-ին։
«Օրակարգում ընդգրկված հարցերը վերաբերել են ընկերության տարեկան հաշվետվությանը, հաշվապահական հաշվեկշռին, շահույթին և վնասի հաշվին, շահութաբաժնի վճարման մասին որոշման ընդունմանը, տարեկան շահութաբաժնի չափին, շահույթներին և վնասների բաշխմանը։
2024 թվականին համալիրում անցկացվել է 120 տեղական և միջազգային միջոցառում։
Հաշվետու տարում ընկերության ընդհանուր եկամուտները կազմել են 927,7 մլն դրամ՝ ապահովելով 30.5% աճ 2023 թ․-ի համեմատ։
2024 թվականին ընկերությունն արձանագրել է 116․5 մլն դրամ զուտ շահույթ, ինչը շուրջ 10%-ով ավելի է 2023 թ․-ի ցուցանիշից։ Ավելին, պլանավորված շահույթը գերակատարվել է 16 մլն դրամով։
Տարեկան ժողովի ընթացքում անդարդարձ է կատարվել նաև մարզահամերգային համալիրի հիմնական ենթակառուցվածքների վերազինման գործընթացին․ մասնավորապես՝ հակահրդեհային և օդափոխության համակարգերի արդիականացման ընթացքին, տանիքի և այլ ենթակառուցվածքների հիմնանորոգման նախագծային աշխատանքների իրականացմանը, ինչպես նաև դեպի համալիր տանող աստիճանավանդակի և շատրվանային համալիրի վերակառուցման նախագծային փաթեթի ձեռքբերմանը»,- ասված է հաղորդագրությունում։
