31.10.2026 | 14:42
COP17-ի շրջանակում ընդունվել է շուրջ 50 որոշում․ արդյունքները գերազանցել են սպասելիքները․ նախարար
Հունաստանում քննարկվել են պարտադիր հաշտարարության մոդելները, առցանց հաշտարարության նորարարական գործիքները
Հասարակություն
19.11.2025 | 11:38
ՀՀ արդարադատության նախարարությունից հայտնում են, որ հայկական պատվիրակությունը՝ նախարարության «Օրենսդրության զարգացման կենտրոն» հիմնադրամի տնօրեն Դավիթ Ղարիբյանի գլխավորությամբ և «Արբիտրաժի և հաշտարարության հայաստանյան կենտրոն» հիմնադրամի մասնակցությամբ, այցելել է Աթենք՝ ուսումնագիտական այցի շրջանակում, որը նվիրված էր հաշտարարության ինստիտուցիոնալ համակարգին և Հայաստանի բարեփոխումների օրակարգի զարգացմանը։
«Այցի ընթացքում պատվիրակությունը հանդիպումներ է ունեցել Հունաստանի Արդարադատության նախարարության և Հաշտարարության կենտրոնական կոմիտեի ներկայացուցիչների, ինչպես նաև հաշտարարության և արբիտրաժի առաջատար կազմակերպությունների՝ EODID և OPEMED կենտրոնների հետ։ Քննարկվել են հաշտարարների որակավորման չափանիշները, պարտադիր հաշտարարության մոդելները, ինստիտուցիոնալ կառուցվածքը, ինչպես նաև առցանց հաշտարարության նորարարական գործիքները։
Այցի ընթացքում ձեռք են բերվել պայմանավորվածություններ՝ խորացնելու համագործակցությունը Հայաստանի և Հունաստանի արդարադատության նախարարությունների և հաշտարարական հաստատությունների միջև, ներառյալ փորձի փոխանակման և համատեղ նախաձեռնությունների իրականացման ուղղությամբ։ Այցն իրականացվել է Եվրոպական միության կողմից ֆինանսավորվող «Աջակցություն արդարադատության ոլորտի բարեփոխումներին Հայաստանում, Փուլ II – լրացուցիչ աջակցություն» ծրագրի շրջանակում»,- ասված է հաղորդագրությունում։
