09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Առանձնահատուկ բարձր եմ գնահատում Լատվիայի աջակցությունը ՀՀ-ԵՄ գործընկերության խորացմանը. Փաշինյանը՝ Սիլինյային
Քաղաքականություն
18.11.2025 | 22:37
Նիկոլ Փաշինյանը շնորհավորական ուղերձ է հղել Լատվիայի վարչապետ Էվիկա Սիլինյային՝ Ազգային տոնի առթիվ՝ կարևորելով հայ-լատվիական ռազմավարական հարաբերությունների զարգացումն ու Լատվիայի աջակցությունը հայաստանյան բարեփոխումներին։ Այս մասին տեղեկացնում են վարչապետի աշխատակազմից։
Ուղերձում ասված է.
«Ջերմորեն շնորհավորում եմ Ձեզ և Լատվիայի բարեկամ ժողովրդին Ազգային տոնի՝ Անկախության հռչակման օրվա առթիվ։
Լատվիայի ժողովուրդը, անցնելով անկախության դժվարին, բայց արժանապատիվ ճանապարհը, կառուցել է ժողովրդավար և դինամիկ զարգացող պետություն։
Հայաստանը մեծապես կարևորում է մեր երկրների միջև ռազմավարական բնույթ ունեցող հարաբերությունների շարունակական զարգացումը՝ հատկապես քաղաքական, առևտրատնտեսական, բարձր տեխնոլոգիաների ոլորտներում: Առանձնահատուկ բարձր եմ գնահատում Լատվիայի աջակցությունը Հայաստանում ընթացող ժողովրդավարական բարեփոխումներին և ՀՀ-ԵՄ գործընկերության խորացմանը:
Թույլ տվեք այս խորհրդանշական օրը մաղթել Լատվիայի ժողովրդին խաղաղություն, բարօրություն և նոր ձեռքբերումներ՝ զարգացման և առաջընթացի ճանապարհին»:
