31.10.2026 | 14:18
Հայաստանի և Ֆրանսիայի փրկարար ծառայությունները կշարունակեն համագործակցությունը
Մալայզիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին
18.11.2025 | 22:12
Հայաստանի ԱԳ նախարարի տեղակալ Մնացական Սաֆարյանը և Մալայզիայի նորանշանակ դեսպան Լուն-Լաի Չեոնգը քննարկել են հայ-մալայզիական հարաբերությունների խորացման ուղիները՝ ընդգծելով տնտեսական, տեխնոլոգիական և բազմակողմ համագործակցության ընդլայնման պատրաստակամությունը։ Այս մասին տեղեկացնում են ՀՀ ԱԳՆ-ից:
«Մնացական Սաֆարյանը շնորհավորել է նորանշանակ դեսպանին պարտականությունների ստանձման կապակցությամբ և հաջող ու արդյունավետ գործունեություն մաղթել հայ-մալայզիական կապերի ամրապնդման գործում։
Կողմերը քննարկել են երկկողմ հարաբերություններին առնչվող հարցեր, մտքեր են փոխանակել բազմակողմ հարթակներում համագործակցության խորացման, առևտրատնտեսական կապերի խթանման, ինչպես նաև գիտակրթական և տեխնոլոգիական ոլորտներում փոխգործակցության ընդլայնման վերաբերյալ։
Նախարարի տեղակալն անդրադարձել է օգոստոսի 8-ին Վաշինգտոնում Հայաստանի և Ադրբեջանի միջև ձեռք բերված համաձայնություններին, դրանց արդյուքներով տարածաշրջանում հաստատված խաղաղությանն ու վերջինիս ինսիտուցիոնալացման կարևորությանը:
Մնացական Սաֆարյանն ընդգծել է Հայաստանի կառավարության «Խաղաղության խաչմերուկ» նախագծի և վերջինիս կարևոր բաղադրիչ «TRIPP ուղու» նշանակությունը տարածաշրջանային հաղորդակցությունների ապաշրջափակման հարցում և դրանց կյանքի կոչմամբ ընձեռնվելիք տնտեսական նոր հնարավորությունները։
Դեսպան Չեոնգը շնորհակալություն է հայտնել ջերմ ընդունելության համար և նշել, որ հայ-մալայզիական առնչությունները դարերի պատմություն ունեն, ինչի վկայությունն է Մալայզիայի Ջորջ Թաուն քաղաքում հայկական փողոցի առկայությունը։
Դեսպանը պատրաստակամություն է հայտնել խորացնելու երկկողմ հարաբերությունները երկուստեք հետաքրքրություն ներկայացնող տարբեր ոլորտներում՝ խթանելով միջմարդկային, մշակութային և տնտեսական կապերը»,- ասված է հաղորդագրությունում։
