29.07.2026 | 15:41
ԵԿՄ-ն լրագրողներն են լուծարել. ես և´ նախագահ եմ լինելու, և´ պատգամավոր. Սասուն Միքայելյան․ ՏԵՍԱՆՅՈՒԹ
Ֆիդանը ՀՀ-ին և Ադրբեջանին կոչ է արել օգտվել պատմական հնարավորությունից և հնարավորինս շուտ կնքել խաղաղության համաձայնագիրը
Քաղաքականություն
18.11.2025 | 21:41
Օգոստոսի 8-ին Վաշինգտոնում Ադրբեջան-Հայաստան խաղաղության գործընթացում արտահայտված կամքը և Հայաստանի հետ հարաբերությունների կարգավորման գործընթացում մեր արձանագրած առաջընթացն ամրապնդել են Հարավային Կովկասի տարածաշրջանում երկար սպասված, երկարատև խաղաղության հույսերը։ Թուրքիայի Ազգային մեծ ժողովում այս մասին հայտարարել է երկրի ԱԳ նախարար Հաքան Ֆիդանը։
Նա նշել է, որ Ադրբեջանի հետ պահպանվում են բացառիկ հարաբերություններ երկկողմ և բազմակողմ հարթակներում։
«Մենք շարունակում ենք գործել մեր դաշնակից Ադրբեջանի հետ համակարգված և համերաշխ՝ Հարավային Կովկասում խաղաղություն և կայունություն հաստատելու ջանքերում, այդ թվում՝ Ղարաբաղի վերականգնման և վերածննդի գործում»,- նշել է թուրք պաշտոնյան։
Ողջունելով Հայաստանի «խաղաղ և կառուցողական» մոտեցումը Թուրքիայի և Ադրբեջանի նկատմամբ՝ Ֆիդանն ասել է. «Մենք շարունակում ենք տարբեր մակարդակներում երկխոսությունը Հայաստանի հետ, որը ցուցաբերել է բաց և պատրաստակամ դիրքորոշում մեր երկրի հետ հարաբերությունների կարգավորման հարցում, և մենք անկեղծորեն առաջ ենք մղում մեր համատեղ ջանքերը ձեռնարկվող կոնկրետ քայլերի ուղղությամբ։ Թուրքիան ձգտում է խաղաղություն հաստատել Հարավային Կովկասում և ստեղծել բարգավաճման ընդհանուր տարածք տարածաշրջանում»։
Թարգմանությունը՝ Էմմա Չոբանյանի
