Դատարանում Քոչարյանին արձագանքում եմ, Խաչատուրովը գազանաբար հարձակվում է ինձ վրա. Սարգիս Քլոյան․ ՏԵՍԱՆՅՈՒԹ

«2008 թվականի մարտի 1-ի զոհված Գոր Քլոյանի հայրն եմ, ցույցի մասնակից եմ եղել՝ տղայիս հետ միասին, բայց, ցավոք սրտի, այդ չարաբաստիկ գնդակն ինձ չդիպչեց, այլ իմ 28-ամյա որդուն»,-ԱԺ-ում հրավիրավծ քննարկման ժամանակ ասաց Սարգիս Քլոյանը։

Նա խոսեց Ռոբերտ Քոչարյանի և մյուսների գործով դատավարության ընթացքի մասին։ Քլոյանի խոսքով՝ այն ձգձվում է․ «Մի օր Քոչարյանն է հիվանդ, մի օր փաստաբանը չկա, մի օր դատավորն է հիվանդ, մի օր Խաչատուրովի թարգմանիչն է հիվանդ, այդպես ձգձգվեց ու ձգձգվեց չորս տարի, չորս ամիս և ոչ մի արդյունք, և այդ գործը կարճվեց, գնաց Սահմանադրական դատարան։

Հիմա, մեկ տարի է, գնում է դատավարություն։ Այս մեկ տարվա ընթացքում մենք նույնպես արդյունքի դեռ չենք հասել։ Փաստաբաններն իրենց դիրքորոշումներն են հայտնում, երկար ու բարակ, նորից բացակայություններ։ Եթե այս ձևի շարունակվի դատավարությունը, էլի մենք արդյունքի չենք հասնի»։

Նա խոսեց նաև դատարանում տիրող մթնոլորտի մասին․ «Ռոբերտ Քոչարյանը գիտե՞ք ինչ է ասում դատավարության ժամանակ։ Ասում է՝ «Ես չեմ հասկանում՝ այս իրավաբաններն ի՞նչ են ուզում ինձանից։ Իմ ո՞ր մեղքիս համար են ինձ դատում։ Ես հրաման չեմ տվել, ո՞վ է ձեր ձեռքը բռնել, գնացե՛ք, ձեր սպանողներին գտե՛ք։ Եսիմ ո՞ւր է, ո՞ր ձորում, ո՞ր սարում, բախումների ժամանակ ոչ մի զոհ չի եղել։ Մի հատ «Չերյոմուխա» կա, այն էլ դեռ կասկածում ենք»։ Դա Ռոբերտ Քոչարյանի խոսքերն եմ ասում, պատկերացնո՞ւմ եք, լկտի խոսքերը։

Մանրամասները՝ տեսանյութում։