Վճարովի բովանդակություն
Հայաստանի առաջատար ֆինտեք ընկերությունը՝ Իդրամը, արժանացել է Ant International-ի կողմից շնորհվող «Ավելին, քան վճարումներ» («Beyond Payment Awards») մրցանակին՝ վճարային ծառայությունների ոլորտում նորարարական լուծումների և տեխնոլոգիական առաջատար մոտեցման համար։
Մրցանակաբաշխությունը տեղի է ունեցել Սինգապուրում, Ant International-ի տարեկան Voyage համաժողովի շրջանակում, որին ներկա էին աշխարհի առաջատար ֆինտեք ընկերությունների ներկայացուցիչներ։ Մրցանակները շնորհվել են այն կազմակերպություններին, որոնք վճարային լուծումները վերածում են ավելի լայն տնտեսական և սոցիալական ազդեցության գործիքի՝ ապահովելով ֆինանսական ներառականություն և հաճախորդակենտրոն փորձառություն։
«Այս մրցանակը կարևոր գնահատական է մեր թիմի աշխատանքին և այն տեսլականին, որով առաջնորդվում ենք։ Իդրամը մշտապես ձգտում է դուրս գալ ավանդական վճարային սահմաններից՝ առաջարկելով լուծումներ, որոնք նպաստում են հասարակության թվային զարգացմանը և հարմարավետ ֆինանսական փորձի ձևավորմանը Հայաստանում և արդեն նաև Հայաստանի սահմաններից դուրս։ 2025 թվականի հուլիսին Իդրամը և համաշխարհային գիգանտ Alipay-ը հայտարարեցին համագործակցության մասին, որի արդյունքում Alipay-ի 1,7 մլրդ օգտատերերը հնարավորություն ստացան վճարումներ կատարել Հայաստանում ավելի քան 25.000 վաճառակետերում՝ իրենց իսկ հավելվածով սկանավորելով Իդրամ QR-ը», — նշել է ID Group-ի բիզնեսի զարգացման տնօրեն Կարեն Նալբանդյանը և հավելել, որ Իդրամը սրանով չի սահմանափակվելու և շատ կարճ ժամանակ անց կհայտարարի այլ ձեռքբերումների մասին։
Հիշեցնենք, որ Իդրամը Հայաստանում առաջին ընկերությունն է, որը մասշտաբային և ամբողջական կերպով ներդրել է անհպում QR-վճարումների համակարգը դեռևս 2016 թվականին, իսկ այսօր արդեն Իդրամի միջազգային համագործակցությունների շնորհիվ Idram QR-ով հնարավորություն ունի վճարում կատարել աշխարհում 1,8 մլրդ օգտատեր։
ԸՆԿԵՐՈՒԹՅՈՒՆԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
