04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Վերջին տարիներին ավելացել է Հայաստանից դեպի Լեհաստան ավիաչվերթների քանակը
Տնտեսություն
31.10.2018 | 16:33
ՀՀ տրանսպորտի, կապի և տեղեկատվական տեխնոլոգիաների նախարարի պաշտոնակատար Հակոբ Արշակյանը ընդունել է Հայաստանի Հանրապետությունում Լեհաստանի Հանրապետության արտակարգ և լիազոր դեսպան Պավել Չեպլակին։
Ողջունելով դեսպանին՝ Հակոբ Արշակյանն անդրադարձել է տրանսպորտի և ավիացիայի ոլորտներում առկա համագործակցությանը, պատրաստակամություն հայտնել կապի և բարձր տեխնոլոգիաների ոլորտներում ևս երկու երկրների միջև զարգացնելու և ընդլայնելու գործակցության ուղղությունները։
Շնորհակալություն հայտնելով ընդունելության համար՝ դեսպան Պավել Չեպլակն ընդգծել է, որ համագործակցության արդյունքում վերջին տարիներին ավելացել է Հայաստանից դեպի Լեհաստան ավիաչվերթների քանակը։ Եթե 2015թ. ամառային սեզոնին եղել է շաբաթական 3 թռիչք, 2017 և 2018 թթ. կրկնապատկվել է՝ հասնելով 6-ի։
Դեսպանը նաև հավաստիացրել է, որ իր լիազորությունների շրջանակներում գործնական քայլեր կանի նախարարության գործունեության ոլորտներում Հայաստանի և Լեհաստանի միջև համագործակցության շրջանակներն ընդլայնելու համար։
Հանդիպման ընթացքում քննարկվել են երկկողմ հետաքրքրություն ներկայացնող մի շարք այլ հարցեր։
ՀՀ տրանսպորտի, կապի և տեղեկատվական
տեխնոլոգիաների նախարարության
լրատվական ծառայություն
