16.03.2026 | 17:03
Անտառապետը, ապօրինի ծառահատումները չարձանագրելու դիմաց, 105.000 դրամ կաշառք է պահանջել․ ՀԿԿ
«Մարտի 1»-ի գործը փակուղի չի մտել․ Արթուր Նահապետյանը խոստացավ ամեն ինչ անել՝ այն բացահայտելու համար․ ՏԵՍԱՆՅՈՒԹ
Հասարակություն
18.11.2025 | 14:08
«Մարտի 1-ի գործի» թեմայով խորհրդարանում հրավիրված հանրային քննարկման ժամանակ Հակակոռուպցիոն կոմիտեի նախագահ Արթուր Նահապետյանը հայտարարել է, որ գործը փակուղի չի մտել։
«Ես այս ամբիոնից խոստանում եմ, որ օրենքով սահմանված բոլոր միջոցներն ու հնարավորությունները կիրառվելու են, որպեսզի մենք ունենանք այս անջատված մասով նաև ամբողջական բացահայտում»,- նշեց նա։
Նշենք՝ 2025 թվականի սեպտեմբերի 18-ին Եվրոպական դատարանը հրապարակեց «Ֆարմանյանը և այլք ընդդեմ Հայաստանի» գործով վճիռը, որը վերաբերում է «Մարտի 1»-ի իրադարձություններին։
Դիմումատուներն այս գործով գանգատը ներկայացրել էին դեռևս 2011 թվականի փետրվարի 28-ին, իսկ դատարանը գործը կոմունիկացրել էր 2015 թվականի սեպտեմբերին։ Այսպիսով, գործով վճիռը կայացվել է գանգատը ներկայացնելուց շուրջ 14 տարի անց։
Ուժի մեջ մտնելուց հետո երեք ամսվա ընթացքում պետությունը պարտավոր է յուրաքանչյուր դիմումատուի (գործով եղել է 9 դիմումատու) վճարել 30,000 եվրոյին համարժեք դրամ որպես ոչ նյութական վնասի փոխհատուցում և 35,000 եվրոյին համարժեք դրամ որպես կրած ծախսերի հատուցում։ Ընդհանուր՝ 305,000 եվրոյին համարժեք դրամ պետությունը պարտավոր է վճարել, և բացի փոխհատուցման վճարից ՀՀ-ն պարտավորություն ունի վեցամսյա ժամկետում ներկայացնել գործողությունների պլան և հաշվետվություն ներկայացնել մինչև հունիսի 18-ը՝ տեղեկացնելով վճռով արձանագրված խախտումների ուղղությամբ ձեռնարկված կամ ապագայում ձեռնարկվելիք գործողությունների մասին։
Մանրամասները՝ տեսանյութում։
