04.08.2026 | 17:41
Զելենսկին հայտարարել է Ադրբեջանի ինքնիշխանությանն աջակցելու, Հայաստանի հետ հարաբերությունները վերականգնելու մասին
Վաղարշապատի ընտրություններից հետո խուզարկությունները վերաբերում են ընտրակաշառքին․ 5 անձ մեղադրյալ է
Հասարակություն
18.11.2025 | 10:37
«Հաղթանակ» դաշինքի անդամների տներում երեկ տեղի ունեցած խուզարկություններից հետո քրեական վարույթի շրջանակներում 5 անձ մեղադրյալի դատավարական կարգավիճակ է ստացել։ Հակակոռուպցիոն կոմիտեից Factor TV-ի հարցին ի պատասխան հայտնում են․
«Ընտրակաշառք ստանալու, տալու և ընտրակաշառքի միջնորդության դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթներով մեղադրյալի դատավարական կարգավիճակ ունի 5 անձ։ Նրանց նկատմամբ ընտրվել են անազատության հետ չկապված խափանման միջոցներ»։ Թե կոնկրետ ովքեր են մեղադրյալ, այս պահին մեզ հայտնի չէ։
Հիշեցնենք, որ երեկ Factor TV-ն գրել էր, որ իրավապահները խուզարկություններ են իրականացնում «Հաղթանակ» դաշինքի անդամների տներում:
Նշենք, որ Վաղարշապատ համայնքի ավագանու ընտրությունների նախնական արդյունքների համաձայն՝ «Քաղաքացիական պայմանագիր» կուսակցությունը ստացել է 15298 քվե, «Հաղթանակ» կուսակցությունների դաշինքը երկրորդ տեղում է՝ 10051 քվեով:
Արաքս Մամուլյան
