29.06.2026 | 21:20
Մարդատարներին կարգելե՞ն Երևան մտնել․ Ավինյանն առաջարկում է քաղաքի մուտքերի մոտ կայանատեղիներ սարքել. ՏԵՍԱՆՅՈւԹ
ՇՄ նախարարը և WWF-ի գլխավոր տնօրենը քննարկել են էկոլոգիական միջանցքների ձևավորման հարցեր
Տնտեսություն
17.11.2025 | 22:31
Բրազիլիա կատարած աշխատանքային այցի ընթացքում նախարար Համբարձում Մաթևոսյանը հանդիպել է Բնության համաշխարհային հիմնադրամի (WWF) գլխավոր տնօրեն Քիրսթեն Շույթի հետ։ Քննարկվել են Հայաստանի և WWF-ի երկարամյա համագործակցությունը, իրականացվող բնապահպանական ծրագրերը, ինչպես նաև COP17 համաժողովի կազմակերպմանն ու օրակարգին վերաբերող նախաձեռնությունները։ Կողմերը հատուկ անդրադարձել են Կովկասյան ազնվացեղ եղջերուի վերաբնակեցման ծրագրին և էկոլոգիական միջանցքների զարգացման հեռանկարներին, իսկ WWF-ը վստահեցրել է Հայաստանի աջակցումը COP17-ի արդյունավետ նախագահության հարցում։ Այս մասին տեղեկացնում են ՀՀ շրջակա միջավայրի նախարարությունից։
«Հանդիպման ընթացքում քննարկվել են Հայաստանի և WWF-ի միջև երկարամյա արդյունավետ համագործակցությունը, ընթացիկ բնապահպանական ծրագրերը և առաջիկա COP17 համաժողովի կազմակերպմանն ու բովանդակության ձևավորմանը առնչվող մի շարք նախաձեռնություններ։
Կողմերը մասնավորապես անդրադարձել են «Հայաստանում Կովկասյան ազնվացեղ եղջերուի վերաբնակեցման ծրագրին», ինչպես նաև էկոլոգիական միջանցքների ձևավորման ու զարգացման հեռանկարներին։
Տիկին Շույթը ներկայացրել է WWF-ի պատրաստակամությունը աջակցելու Հայաստանին՝ COP17-ի հաջող նախագահությունն ապահովելու գործում:
Նախարարը բարձր է գնահատել WWF-ի ռազմավարական առաջարկները և ընդգծել, որ Հայաստանը COP17-ը կանցկացնի ներառականության և թափանցիկության սկզբունքներով»,- ասված է հաղորդագրությունում։
