28.04.2026 | 15:55
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
Քննարկվել են ՀՀ-ԱՄԷ պաշտպանական համագործակցության հնարավորություններին առնչվող հարցեր
Քաղաքականություն
17.11.2025 | 21:03
ԱՄԷ կատարած աշխատանքային այցի շրջանակում Հայաստանի պաշտպանության նախարար Սուրեն Պապիկյանը նոյեմբերի 17-ին Դուբայում հանդիպել է երկրի փոխվարչապետ, պաշտպանության նախարար և թագաժառանգ Համդան բին Մուհամմեդ Ալ-Մաքթումի հետ։ Կողմերը քննարկել են Հայաստան–ԱՄԷ պաշտպանական համագործակցության ընդլայնման հնարավորությունները և պատրաստակամություն հայտնել ստորագրել երկու երկրների միջև նոր համագործակցության համաձայնագիր։ Այս մասին տեղեկացնում են ՀՀ ՊՆ-ից։
«Քննարկվել են ՀՀ-ԱՄԷ պաշտպանական համագործակցության հնարավորություններին առնչվող մի շարք հարցեր:
Կողմերը պատրաստակամություն են հայտնել զարգացնել երկու երկրների միջև պաշտպանության բնագավառում երկկողմ համագործակցությունը և այդ նպատակով ստորագրել պաշտպանության բնագավառում ՀՀ և ԱՄԷ միջև համագործակցության մասին համաձայնագիր, ըստ որի սահմանվելու են գործակցության հիմնական ուղղությունները:
Քննարկվել են նաև տարածաշրջանային և միջազգային անվտանգությանն առնչվող հարցեր»,- ասվում է հաղորդագրության մեջ:
