21.01.2026 | 21:27
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Թուրքիայի պաշտպանության նախարարը՝ Սիրիայում նոր ռազմական գործողությունների մասին
Քաղաքականություն
31.10.2018 | 15:28
Սիրիայի Մանբիչ քաղաքում բոլոր խնդիրները լուծելուց հետո Թուրքիան Սիրիայի քրդական ուժերի դեմ պատրաստվում է նոր ռազմական գործողություններ իրականացնել, այս անգամ Եփրատ գետի արևելյան հատվածում։ Այդ մասին հայտարարել է Թուրքիայի պաշտպանության նախարար Հուլուսի Աքարը. փոխանցում է ermenihaber-ը:
Մանբիչը ժամանակին գտնվել է Սիրիայի քրդական ուժերի վերահսկողության տակ, սակայն ԱՄՆ-ի ու Թուրքիայի միջև ձեռքբերված համաձայնությամբ տեղի քրդական ուժերի մի մասը դուրս են բերվել այնտեղից, բայց մի մասն էլ դեռևս մնացել են, ինչն էլ մեծապես անհանգստացնում է պաշտոնական Անկարային։
Աքարը հիշեցրել է, որ ըստ Մանբիչի շուրջ թուրք-ամերիկյան համաձայնության՝ երկու երկրները մինչև այժմ իրարից անկախ իրականացրել են պարեկապահակային ծառայություն։ Համաձայնությանը երկրորդ փուլը ենթադրում է, որ Թուրքիայի և ԱՄՆ-ի զինված ուժերը կսկսեն համատեղ իրականացնել պարեպահակային ծառայություն Մանբիչում։ Համատեղ պարեկապահակային ծառայության իրականացումը կարող է սկսվել առաջիկա օրերին։
Թուրք պաշտոնյան ընդգծել է, որ Թուրքիայի զինված ուժերը լիովին «ոչնչացնելու են» Եփրատ գետի արևելյան հատվածում հենակետեր ունեցող Սիրիայի քրդական ուժերին, որոնց Անկարան համարում է ահաբեկչական։
Թուրքիայի պաշտպանության նախարարը նաև խոսել է Սիրիայի՝ անվտանգության գոտի հայտարարված, ապառազմականացված Իդլիբ նահանգի մասին։ Աքարը առիթ ը բաց չի թողել, Սիրիայի նախագահ Բաշար Ասադին մեղադրելու այն բանում, որ նրա ուժերը հայտարարված հրադադարը պարբերաբար խախտում են։
Նա ընգծել է, որ Թուրքիան Ռուսաստանի միջնորդությամբ հաճախ զգուշացնում է Սիրիայի կառավարական ուժերին, թե ինչ հետևանքներ կարող է դա ունենալ։
