29.07.2026 | 16:30
Շաբաթների ընթացքում ՀԷՑ-ը կառավարության կողմից հանրային գերակա շահ կճանաչվի. Ռոմանոս Պետրոսյան․ ՏԵՍԱՆՅՈՒԹ
«Ինտերը» հայատառ գրառումով վերհիշել է Մխիթարյանի գոլերը միլանյան դերբիում․ ՏԵՍԱՆՅՈՒԹ
17.11.2025 | 15:51
Իտալական «Ինտերի» մամուլի ծառայությունը «Միլանի» դեմ հանդիպումից առաջ վերհիշել է Հայաստանի ազգային հավաքականի նախկին ավագ Հենրիխ Մխիթարյանի գոլերը միլանյան դերբիում և կատարել հայատառ գրառում։
«Դերբի. բոլոր գոլերը հայկական գնացքի՝ Մխիթարյանի կողմից։ Հետևեք մեզ՝ ավելի շատ Հայաստանի մասին բովանդակության համար»,- տեսանյութին կից նշված է «Ինտերի» ֆեյսբուքյան էջում։
Միլանյան դերբին նոյեմբերի 23-ին կկայանա Իտալիայի առաջնության 12-րդ տուրում։ «Ինտերը» 24 միավորով առաջատարն է և 2 միավոր է գերազանցում երրորդ տեղում գտնվող «Միլանին»։
Հիշեցնենք, որ Հենրիխ Մխիթարյանը դեռ շարունակում է վերականգնվել մկանային վնասվածքից, որը հոկտեմբերի 25-ին ստացել է «Նապոլիի» դեմ խաղում։ Սպասվում է, որ 36-ամյա կիսապաշտպանը խաղադաշտ կվերադառնա նոյեմբերի 30-ին։ Այդ օրն «Ինտերն» Իտալիայի առաջնության 13-րդ տուրում մրցելու է «Պիզայի» հետ։
Հայաստանի հավաքականի պատմության լավագույն ռմբարկուն այս մրցաշրջանում «Ինտերի» կազմում անցկացրել է 8 հանդիպում, գոլի կամ գոլային փոխանցման հեղինակ չի դարձել։
