31.10.2026 | 14:42
COP17-ի շրջանակում ընդունվել է շուրջ 50 որոշում․ արդյունքները գերազանցել են սպասելիքները․ նախարար
ԱԱ-2026. «Նոայի» դարպասապահը երկու 11-մետրանոց է հետ մղել Նիգերիայի դեմ խաղում․ ՏԵՍԱՆՅՈՒԹ
17.11.2025 | 15:18
Հայաստանի չեմպիոն «Նոայի» դարպասապահ Թիմոթի Ֆայուլուի հաջող խաղն օգնել է Կոնգոյի ԴՀ հավաքականին դուրս գալ 2026թ․ աշխարհի առաջնության միջմայրցամաքային փլեյ-օֆֆ։
Աֆրիկայի գոտու ընտրական մրցաշարի փլեյ-օֆֆի եզրափակիչում Կոնգոյի թիմը հետխաղյա 11-մետրանոցներով 4:3 հաշվով հաղթել է Նիգերիայի հավաքականին։ Հանդիպման հիմնական ու լրացուցիչ ժամանակն ավարտվել է 1։1 հաշվով։
Թիմոթի Ֆայուլուն փոխարինման է մտել 11-մետրանոց հարվածաշարից անմիջապես առաջ ու հետ մղել 2 հարված, ևս մեկում նիգերիացիները վրիպել են։
ԱԱ-2026-ի միջմայրցամաքային փլեյ-օֆֆին կմասնակցեն Կոնգո ԴՀ-ի, Բոլիվիայի, Նոր Կալեդոնիայի հավաքականները, 2 թիմ՝ Հյուսիսային Ամերիկայից, 1 թիմ՝ Ասիայից (ԱՄԷ կամ Իրաք)։ Այդ փուլի արդյունքում միայն 2 հավաքական է նվաճելու աշխարհի առաջնության եզրափակիչ փուլի ուղեգիր։ Եթե Կոնգոյի ԴՀ հավաքականը հաղթի նաև հաջորդ փուլում, Թիմոթի Ֆայուլուն կլինի Հայաստանի առաջնության առաջին գործող ֆուտբոլիստը, որ կմասնակցի աշխարհի առաջնությանը։
