04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
ԱՄՆ-ն 40 մլն դոլար է հատկացրել ռուսական, իրանական և չինական քարոզչության դեմ պայքարի համար
Քաղաքականություն
31.10.2018 | 15:13
ԱՄՆ կառավարությունը 40 մլն դոլար է հատկացրել օտարերկրյա պետությունների կողմից տարածվող ապատեղեկատվության և քարոզչության դեմ պայքարի գլոբալ փոխգործակցության կենտրոնին: Տեղեկությունը հրապարակվել է ԱՄՆ պետքարտուղարության կայքում:
«Այս ֆինանսավորումը կաջակցի օտարերկրյա լսարանին ուղղված ռուսական, իրանական և չինական ապատեղեկատության և քարոզչության դեմ պայքարի ջանքերին»,- Ինտերֆաքսի փոխանցմամբ՝ հայտնել է պետքարտուղարության ներկայացուցիչ Ռոբերտ Պալադինոն:
Նա հստակեցրել է, որ այդ ուղղությամբ աշխատանքը կներառի տեխնոլոգիաների ներդրումը՝ «օտարերկրյա ապատեղեկատվության մասին վաղ նախազգուշացման համար, օտարերկրյա լսարանի վերլուծությունը, տեղական ազդեցիկ սոցիալական մեդիայի հետ գործընկերային հարաբերությունների զարգացումը՝ կարևոր թիրախային լսարանին ուղղված բովանդակություն ստեղծելու համար»:
