29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Յանիկ Սիների տիտղոսն ու ռեկորդն Ամփոփիչ մրցաշարում․ ՏԵՍԱՆՅՈՒԹ
17.11.2025 | 11:36
Աշխարհի երկրորդ ռակետ Յանիկ Սիները դարձել է Թուրինում կայացած Պրոֆեսիոնալ թենիսիստների ասոցիացիայի (ATP) տարվա ամփոփիչ մրցաշարի հաղթող։
Եզրափակիչում իտալացի թենիսիստը 7:6 (7:4), 7:5 հաշվով առավելության է հասել աշխարհի առաջին ռակետ, իսպանացի Կառլոս Ալկարասի նկատմամբ։ Մրցախաղը տևել է 2 ժամ 4 րոպե։
Այդ հաղթանակի համար 24-ամյա Սիները կստանա ռեկորդային 5 071 000 դոլար պարգևավճար։ Այս մրցաշրջանում նրա մրցանակային գումարը կկազմի 19,12 միլիոն դոլար, ինչը ամենաբարձր ցուցանիշն է թենիսիստների մեջ։
Յանիկ Սիները ATP-ի Ամփոփիչ մրցաշարի հաղթողի տիտղոսը նվաճել էր նաև նախորդ տարի։ Նա պատմության մեջ առաջին թենիսիստն է, որն առանց որևէ սեթ պարտվելու հաղթում է 2 անընդմեջ Ամփոփիչ մրցաշարում։ Իտալացին կարիերայում նվաճած տիտղոսների քանակը հասցրել է 23-ի։
