13.01.2026 | 16:48
Իրանցի պաշտոնյան հայտարարել է անկարգությունների ընթացքում շուրջ 2000 զոհի մասին
Նոյեմբերի երրորդ տասնօրյակը կլինի բավականին տաք և սակավատեղում. Գագիկ Սուրենյան
17.11.2025 | 11:11
Հայաստանում օդի ջերմաստիճանը կբարձրանա, տեղումները երկրի ամբողջ տարածքում կդադարեն․ այս մասին տեղեկացրեց «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը՝ ֆեյսբուքյան իր էջում հրապարակած տեսանյութիով։
«Վերջին 2 օրերին մեր երկիրը գտնվում էր Միջերկրական ծովից ներթափանցած ցիկլոնի ազդեցության գոտում, ինչի արդյունքում հանրապետության առանձին հատվածներում դիտվեցին կարճատև անձրևներ: Բայց առաջիկա ժամերից սկսած այդ ցիկլոնն ամբողջությամբ դուրս կգա Հայաստանի տարածքից, այն իր տեղը կրկին զիջում է հարավ–արևմուտքից ներթափանցող տաք օդային հոսանքներին, որոնք մինչև ամսվա վերջին օրեր կմնան Հայաստանի տարածքում: Այսպիսով, առաջիկա ժամերից սկսած տեղումները երկրի ողջ տարածքում կդադարեն և առաջիկա 10 օրերին մեր երկրում սպասվում է արևառատ և առանց տեղումների եղանակ։ Օդի ջերմաստիճանը ցերեկային ժամերին նոյեմբերի 18-19-ն ընկած ժամանակահատվածում կբարձրանա մոտ 3-4 աստիճանով և կմնա անփոփոխ։ Այսպիսով նոյեմբերի երրորդ տասնօրյակը կրկին կլինի բավականին տաք և սակավատեղում»,-հայտնեց Սուրենյանը:
