29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Ռուսաստանը հրթիռային հարված է հասցրել Բալակլեա քաղաքին. զոհեր և վիրավորներ կան
Քաղաքականություն
17.11.2025 | 10:45
Ռուսաստանի զինված ուժերը հրթիռային հարվածներ են հասցրել Խարկովի մարզի Բալակլեա քաղաքին։ Այս մասին հայտնել է շրջանային ռազմական վարչակազմի ղեկավար Օլեգ Սինեգուբովը, գրում է Meduza-ն։
Ուկրաինայի պետական արտակարգ իրավիճակների ծառայության տվյալներով՝ հրթիռները հարվածել են խիտ բնակեցված բնակելի թաղամասի։ Նախնական տվյալներով՝ զոհվել է երեք մարդ, վիրավորվել է 13-ը, այդ թվում՝ չորս երեխա։
Քաղաքային վարչակազմի ղեկավար Վիտալի Կարաբանովը նշել է, որ վիրավորներից 9-ը հոսպիտալացվել են, իսկ մեկ անձ ամբուլատոր բուժում է ստանում։
Հարվածի հետևանքով հրդեհներ են բռնկվել մասնավոր տանը և բարձրահարկ շենքերի բնակարաններում: Վնասվել են ինը և հինգ հարկանի բնակելի շենքեր, մանկապարտեզ և մեքենաներ։
Թարգմանությունը՝ Էմմա Չոբանյանի
