20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Հայաստանը շրջադարձային փուլում է. Մխիթար Հայրապետյան
Հասարակություն
16.11.2025 | 15:59
Հայաստանը կլինի կիսահաղորդչային գիտելիքների, տաղանդի և նորարարության կենտրոն մեր տարածաշրջանի համար և վստահելի գործընկեր աշխարհի համար։ «Արմենպրես»-ի հաղորդմամբ` այս մասին LinkedIn-ում գրել է ՀՀ բարձր տեխնոլոգիական արդյունաբերության նախարար Մխիթար Հայրապետյանը։
«Նախորդ տարիներին ինձ վիճակվել է լսել երկու հզոր հեռանկարի մասին մեր տեխնոլոգիական համայնքից. մեկն այն մասին է, թե Հայաստանը կարող է դառնալ իսկական կիսահաղորդիչներ արտադրող երկիր, իսկ մյուսը՝ թե մեր ամենամեծ ներուժը գլոբալ հետազոտությունների ու զարգացման և ճարտարագիտական կենտրոն դառնալն է:
Ճշմարտությունն ակնհայտ է. երկուսն էլ արտահայտում են հավակնություններ և երկուսն էլ կարող են մեզ առաջ տանել։ Նշանակալին հետևյալն է. Հայաստանն այլևս չի հարցնում «կարո՞ղ ենք»: Մենք այն երկիրն ենք, որն ասում է «կկարողանանք»։
Մենք արդեն ունենք միջազգայնորեն ճանաչված ինժեներական տաղանդ։
Մենք արդեն հյուրընկալում ենք կիսահաղորդչային հետազոտական և զարգացման աշխարհահռչակ կենտրոնների։
Եվ մենք արդեն ունենք համաշխարհային գործընկերներ, որոնք Հայաստանին տեսնում են ոչ թե որպես հետևորդ, այլ որպես աշխարհի ամենաառաջադեմ արդյունաբերությունների ապագա ներդրող։
Ուստի, երբ մարդիկ ինձ հարցնում են, թե արդյոք Հայաստանը պետք է կենտրոնանա կիսահաղորդչային հետազոտությունների ու զարգացման վրա, թե արտադրության, ես պատասխանում եմ՝ Հայաստանի թիրախում կլինի այն, ինչը մենք լավագույնն ենք անում, մենք կկառուցենք այն, ինչին հավատում ենք։ Ոչ թե որովհետև դա հեշտ է, այլ որովհետև դա մեր հաջորդ նշաձողն է։
Մենք կարիք չունենք որևէ մեկին կրկնօրինակել։
Մենք կարիք չունենք տրվել սին պատրանքներին։
Մենք պետք է ներգրավենք մեր ուժեղ կողմերը՝ մեր ինժեներներին, մեր ստեղծագործականությունը, արագությունը, դիմադրողականությունը, և դրանք վերածենք համաշխարհային մրցակցային առավելության։
Քայլ առ քայլ։ Ոլորտ առ ոլորտ։ Նորարարություն առ նորարարություն։
Այսպես են փոքր երկրները դառնում խոշոր խաղացողներ։
Եվ հենց այսպես է Հայաստանը ամրապնդելու իր դիրքը կիսահաղորդչային արժեքային շղթայում, այլ ոչ թե ջանալով անել ամեն ինչ միաժամանակ: Հայաստանը կլինի գերազանց այնտեղ, որտեղ դա ամենակարևորն է։
Մեր առաքելությունը հստակ է.
Հայաստանը կլինի կիսահաղորդչային գիտելիքների, տաղանդի և նորարարության կենտրոն մեր տարածաշրջանի համար և վստահելի գործընկեր աշխարհի համար։
Ես հպարտ եմ տեսնել մեր ոլորտի հավակնությունները։
Եկեք շարունակենք մարտահրավեր նետել միմյանց և շարունակենք առաջ շարժվել միասին։
Ապագան կառուցվում է այստեղ։ Եվ մենք դեռ նոր ենք սկսում», – գրել է նա։
