24.07.2026 | 19:13
Բյուրեղավանում աղիքային վարակի բռնկումից հետո 2 հասցեի ջրի նմուշներում կոլիֆորմ մանրէներ են հայտնաբերվել. ՀՎԿԱԿ
Կառավարության շենք մտնելու փորձ արած նռնակով զինված տղամարդը կալանավորվել է
Հասարակություն
31.10.2018 | 12:58
Նռնակով Կառավարության շենք մուտք գործելու փորձ արած տղամարդը կալանավորվել է։ Այս մասին Factor.am-ին ասաց ԱԱԾ մամուլի խոսնակ Սամսոն Գալստյանը։
Տղամարդուն մեղադրանք է առաջադրվել Քրեական օրենսգրքի 235-րդ հոդվածի 1-ին մասով (ապօրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)։
ԱԱԾ մամուլի խոոսնակը, սակայն, ասաց, որ չի կարող տեղեկություն փոխանցել, թե որն էր տղամարդու` նման քայլի գնալու շարժառիթը։
Հիշեցնենք, որ հոկտեմբերի 27-ին մի տղամարդ, ձեռքին նռնակ, փորձել է մուտք գործել կառավարության շենք։
