28.04.2026 | 16:06
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
Մեր խնդիրը մեզնով իշխանություն վերցնել է, բայց պատրաստ ենք բանակցել ընդդիմության հետ. Հարությունյան. ՏԵՍԱՆՅՈւԹ
Քաղաքականություն
16.11.2025 | 13:02
«Մենք հայտարարել ենք, որ ընդդիմադիր դաշտի հետ պատրաստ ենք բանակցությունների, իսկ մեր առաջնային խնդիրն այս պահին մենք մեզնով իշխանություն վերցնելն է»,- այս մասին քվեարկության գնալուց առաջ լրագրողների հետ զրույցում ասաց Վաղարշապատի ընտրություններում « Մայր Հայաստան» կուսակցության ցուցակը գլխավորող Գրիշա Հարությունյանը: Հարցին, թե որ ուժերի հետ է բացառվում համագործակցությունը, Հարությունյանը պատասխանեց, որ համագործակցության չեն գնա «Քաղաքացիական պայմանագիր» կուսակցության և նրան սատարող ուժերի հետ:
Հստակեցնող հարցին, թե ովքեր են «Քաղաքացիական պայմանագիր» կուսակցությանը սատարող ուժերը, Հարությունյանը պատասխանեց, որ ընտրություններից հետո պարզ կլինի: Հարցին՝ հնարավո՞ր է, որ «Հանրապետություն» կուսակցության հետ գնան համագործակցության և ասեն՝ չգիտեինք, որ սատարում էր ՔՊ-ին, Հարությունյանը բացասական պատասխան տվեց:
Հարցին՝ իր ընտրվելու դեպքում թույլ կտա, օրինակ՝ «Վեհարանը գրավել, հանրահավաք անել Մայր Աթոռի դիմաց», Հարությունյանը պատասխանեց. «Մենք բազմիցս հայտարարել ենք, որ «Մայր Հայաստան» կուսակցությունը սատարում է Հայ առաքելական եկեղեցուն և մենք կանգնած ենք եկեղեցու կողքը»։
