31.01.2026 | 15:38
Գերագույն խորհրդի անդամ եպիսկոպոսներին ՔԿ ներկայանալու ծանուցագրեր են տրվել. փաստաբան
Արթուր Սերոբյան․ Շատ լավ հիշողություններ ունեմ Պորտուգալիայից․ ՏԵՍԱՆՅՈՒԹ
15.11.2025 | 22:53
Ֆուտբոլի Հայաստանի ազգային հավաքականի կիսապաշտպան Արթուր Սերոբյանը նախախաղային ասուլիսում անդրադարձել է Պորտուգալիայի հավաքականի դեմ արտագնա հանդիպմանն ԱԱ-2026-ի եվրոպական գոտու ընտրական մրցաշարի F խմբի վերջին տուրում։
«Ժամանակը կարճ էր, բայց բոլոր տղաները պատրաստ են վաղվա խաղին։ Հունգարիայի դեմ հանդիպումը ծանր ստացվեց։ Պատրաստվում ենք վաղվա խաղին։ Գիտենք, որ ծանր խաղ է սպասվում, բայց կարծում եմ՝ բոլորս պատրաստ ենք։
Շատ լավ հիշողություններ ունեմ այստեղից։ Պորտուգալիան շատ ֆուտբոլային երկիր է։ Պորտուգալիայում ունեմ ընկերներ, որոնց հետ մինչև օրս կապի մեջ եմ և նրանք վաղը գալու են խաղադաշտ։
Պորտուգալիայի հավաքականի դեմ առաջին խաղից հետո միայն լավ փոփոխություններ են եղել։ Ինքներդ տեսաք, որ Հունգարիայի դեմ խաղում շատ լավ հանդես եկանք։ Ունենք խաղային ձեռագիր ու հիմա պատրաստ ենք մրցելու, մրցունակ լինելու բոլոր հավաքականների հետ։ Պորտուգալիայի հետ նախորդ խաղն արդեն անցյալում է։ Հիմա պատրաստվում են վաղվա հանդիպմանը, բոլորը հասկանում են կարևորությունը և պատրաստ են լավ խաղ ցուցադրելուն»,- ասել է «Արարատ-Արմենիայի» ֆուտբոլիստը
Հիշեցնենք, որ Արթուր Սերոբյանը 2022-2023թթ․ վարձակալությամբ խաղացել է պորտուգալական «Կասա Պիա» ակումբում։
Պորտուգալիա – Հայաստան հանդիպումը տեղի կունենա նոյեմբերի 16-ին Պորտուի «Դրագաու» ստադիոնում ու կմեկնարկի Երևանի ժամանակով 18։00-ին։
