13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
«Արայիկ Խանդոյանը հանցագործություն չի կատարել, նա ապստամբել է»․ պաշտպանի միջնորդությամբ «Սասնա ծռերի» գործով նիստը կրկին հետաձգվեց
Հասարակություն
31.10.2018 | 12:31
«Սասնա ծռեր» խմբի անդամների գործով նիստն այսօր նախորդի պես հետաձգվեց։ Պատճառը կրկին կապված էր խմբի անդամներից վերջերս մահացած մեղադրյալ Արայիկ Խանդոյանի իրավահաջորդի ներգրավման հարցի հետ։
Խանդոյանի շահերի ներկայացուցիչ Արա Ղարագյոզյանը դատարանին միջնորդեց դատարան հրավիրել Խանդոյանի կնոջը՝ Անուշ Խանդոյանին՝ Արայիկ Խանդոյանի մասով գործի վարույթը կարճելու կամ շարունակելու վերաբերյալ դիրքորոշում լսելու նպատակով: Միաժամանակ պաշտպանը համոզմունք հայտնեց, որ Խանդոյանի մասով գործի վարույթը պետք է կարճվի. «Նրա արարքներում չի եղել հանցագործություն, նա ապստամբել է նախորդ ռեժիմի դեմ, որի հրամանով ենթարկվել է խոշտանգումների»:
Ըստ Արա Ղարագյոզյանի, եթե դատարանը, այնուամենայնիվ, որոշի շարունակել գործի քննությունը, Խանդոյանի կինը պետք է ներգրավվի որպես նրա իրավահաջորդ:
Դատավոր Մեսրոպ Մակյանը բավարարեց նրա միջնորդությունը, և հաջորդ նիստում Անուշ Խանդոյանը կներկայանա դատարան:
