14.05.2026 | 13:08
Ոչ մեկ իրենցից պաշտոն չի խնդրել, այո՛, հեղափոխությանն աջակցել ենք․ Մարուքյան․ ՏԵՍԱՆՅՈՒԹ
Ով է ՔՊ-ի հանրահավաքին մասնակցող քահանան
14.11.2025 | 19:28
Վաղարշապատի կենտրոնական հրապարակում տեղի ունեցավ «Քաղաքացիական պայմանագիր» կուսակցության նախընտրական ամփոփիչ հանրահավաքը։ ՔՊ-ի թեկնածու Արգիշտի Մեխակյանի կողքին էին բարձրաստիճան ՔՊ-ականներ` ԱԺ նախագահ Ալեն Սիմոնյանը, պաշտպանության նախարար Սուրեն Պապիկյանը, տարածքային կառավարման և ենթակառուցվածքների նախարար Դավիթ Խուդաթյանը, պատգամավորներ։
Հանրահավաքի բացմանը աղոթք հնչեցրեց Էջմիածնի Սուրբ Աստվածածին եկեղեցու քահանա Տեր Մկրտիչ Մուրադյանը։
Factor.am-ը Մայր Աթոռից մեկնաբանություն խնդրեց հոգևորականի՝ ներկա գտնվելու վերաբերյալ։ Տեղեկատվական կենտրոնի տնօրեն Տեր Եսայի քահանա Արթենյանը փոխանցեց, որ քարոզարշավի ընթացքում տարբեր քաղաքական ուժեր դիմել են հոգևորականներին իրենց քաղաքական գործընթացը օրհնելու համար, և Մայր Աթոռը հավասարության սկզբունքով ընդառաջել է բոլոր քաղաքական ուժերին։
Հիշեցնենք` վերջին շրջանում լարված են հարաբերությունները Նիկոլ Փաշինյանի և եկեղեցու վերնախավի միջև։ Վարչապետը, դիմելով աշխարհիկ անունով, պահանջում է, որ Ամենայն Հայոց կաթողիկոս Գարեգին Բ-ն հեռանա վեհարանից։
Նարեկ Կիրակոսյան
