19.08.2026 | 17:38
Ֆերան Տորեսը «Բարսելոնայի» 5-րդ ամենաթանկ վաճառքն է. ՏԵՍԱՆՅՈՒԹ
Հրանտ-Լեոն Ռանոս․ Անկախ ամեն ինչից, մեր մոտիվացիան շատ բարձր է․ ՏԵՍԱՆՅՈՒԹ
14.11.2025 | 14:55
Հայաստանի ազգային հավաքականի և Մյոնխենգլադբախի «Բորուսիայի» հարձակվող Հրանտ-Լեոն Ռանոսը մեկնաբանել է ԱԱ-2026-ի ընտրական մրցաշարի F խմբի 5-րդ տուրում Հունգարիայի հավաքականից կրած 0։1 հաշվով տնային պարտությունը։
«Առաջին խաղակեսում այնքան էլ շատ չէինք վերահսկում գնդակը, իսկ ընդմիջումից հետո ավելի շատ էինք տիրում նախաձեռնությանը, կարող էինք հավասարեցնել հաշիվը։
Ցավոք, չօգտագործեցինք մեր հնարավորությունները։ Անկախ ամեն ինչից, մեր մոտիվացիան շատ բարձր է, որովհետև խաղում ենք մեր երկրի համար։
Մարզիչը մեզ շատ էներգիա է փոխանցում, որպեսզի դաշտում նվիրված և սրտացավ գործենք։ Երիտասարդ թիմ ենք, որը ցանկանում է մրցել այս մակարդակին համապատասխան։ Ամեն ինչ դեռ առջևում է»,- նշել է Ռանոսը, հաղորդում է ՀՖՖ մամուլի ծառայությունը։
Հիշեցնենք, որ այդ պարտությունից հետո Հայաստանի հավաքականը կորցրել էր 2026թ. աշխարհի առաջնության ընտրական փուլի արգելքը հաղթահարելու շանսերը: Եղիշե Մելիքյանի գլխավորած թիմն ընտրական փուլը կավարտի նոյեմբերի 16-ին Պորտուի «Դրագաու» ստադիոնում՝ մրցելով խմբի առաջատար Պորտուգալիայի հավաքականի հետ։
