05.06.2026 | 10:25
Պուտինը ԵՄ-ին ինտեգրման Հայաստանի ծրագրերը «մտահոգություն առաջացնող» է անվանել
Մբապեն՝ 400-րդ գոլի մասին․ Դա չի տպավորում մարդկանց, պետք է խփեմ ևս 400 գոլ
14.11.2025 | 15:48
Մադրիդի «Ռեալի» և Ֆրանսիայի հավաքականի հարձակվող Կիլիան Մբապեն 400-րդ գոլն է խփել կարիերայում՝ անցկացնելով 535-րդ հանդիպումը։ Դա տեղի է ունեցել Ուկրաինայի հավաքականի դեմ ԱԱ-2026-ի եվրոպական գոտու ընտրական մրցաշարի նախավերջին տուրի խաղում, որում ֆրանսիացները հաղթել են 4։0 հաշվով ու ժամկետից շուտ նվաճել աշխարհի առաջնության ուղեգիր։
26-ամյա Մբապեն դարձել է դուբլի հեղինակ ու կիսվել տպավորություններով։
«400-ը չի տպավորում մարդկանց։ Եթե ցանկանում ես հայտնվել այն մարդկանց շարքում, որոնք ցնցում են բոլորին, պետք է խփես ևս 400-ը։
Ինչ վերաբերում է Ռոնալդուի՝ 1000 գոլ խփելուն, դա անիրական է։ Սակայն եկեք ձգտենք անիրականին, պետք է փորձել։ Մենք ունենք միայն մեկ կարիերա»,- Մբապեի խոսքը մեջբերում է RMC Sport-ը։
Կիլիան Մբապեն բրազիլացի լեգենդար հարձակվող Պելեից հետո երկրորդ ամենաերիտասարդ ֆուտբոլիստն է, որը հատում է 400 գոլի սահմանը։ Նա նաև 1991 թվականից ի վեր առաջին ֆրանսիացին է, որը գոլի հեղինակ է դառնում հավաքականի 6 անընդմեջ խաղում։
