31.10.2026 | 15:35
Առաջիկա օրերին հանրապետության առանձին շրջաններում անձրև կտեղա
Քննարկվում է 99 կամ 49 տարվա սցենարը․ Նիկոլ Փաշինյանը՝ TRIPP-ի մասին․ ՏԵՍԱՆՅՈՒԹ
Քաղաքականություն
14.11.2025 | 11:03
«Հայաստանը պատրաստակամություն է հայտնել հենց այսօր ապահովել բեռնատարների տարանցումը Թուրքիայից՝ Մարգարայով, Կոռնիձորով՝ Ադրբեջան և հակառակը։ Սա առաջարկում ենք, որովհետև այն այսօր պատրաստ է»,-այս մասին «Քաղաքացիական պայմանագիր» կուսակցության և «Կոնրադ Ադենաուեր» հիմնադրամի համագործակցությամբ Երևանում կազմակերպված «Խաղաղության խաչմերուկ. զարգացնելով տարածաշրջանային հաղորդակցությունները և համագործակցությունը» խորագրով միջազգային համաժողովի ժամանակ հայտարարել է վարչապետ Նիկոլ Փաշինյանը։
Նա հայտնել է, որ «Խաղաղության խաչմերուկ» նախագիծը մտել է իրագործման փուլ․ TRIPP-ի համար կստեղծվի Հայաստան-ԱՄՆ համատեղ հիմնադրված ընկերություն, որտեղ ռազմավարական նշանակության հարցերում ՀՀ-ն կունենա վճռական ձայնի իրավունք։
«Առանձնահատկությունն այն է, որ կառուցապատման իրավունքի ժամկետի ավարտից հետո հողի վրա գտնվող գույքը դառնում է ՀՀ սեփականությունը։ Իսկ հողը միշտ է ՀՀ սեփականությունը։ Այժմ քննարկվում է կառուցապատման իրավունքի 2 սցենար՝ 99 և 49 տարվա սցենարը»,-նշել է վարչապետն և այլ մանրամասներ ներկայացրել նախագծի իրականացման վերաբերյալ։
Ըստ Նիկոլ Փաշինյանի՝ նախագիծը ձեռնտու է տարածաշրջանային բոլոր երկրներին։
«Մեր ընկալումն ու ցանկությունն այն է, որ Ադրբեջանից մտնելով Մեղրիով Նախիջևան, հետո Երասխ, երկաթուղին շարունակվի մինչև Թուրքիայի սահման, Ախուրիկ շահագործելու համար։ Ունենք շատ կարճ կտոր՝ վերականգնման համար։ Մենք արդեն իսկ սկսել ենք զբաղվել դրանով»,-նշել է նա։
Մանրամասները՝ տեսանյութում։
Եվգենյա Համբարձումյան
