06.10.2026 | 21:16
Ավանեսյանը այցելել է Շաքիում վիրավորված Անի Ավետիսյանի ընտանիքին
Ռուսական զորքերը ԱԹՍ-ներով և հրթիռներով հարվածել են Կիևին․ զոհեր ու վիրավորներ կան
Քաղաքականություն
14.11.2025 | 10:52
Ռուսական զորքերը նոյեմբերի լույս 14-ի գիշերը հրթիռերով և անօդաչու թռչող սարքերով հարվածներ են հասցրել Կիևին։ Այս մասին հայտնել է Կիևի ռազմական վարչակազմի ղեկավար Տիմուր Տկաչենկոն։
Ուկրաինայի արտակարգ իրավիճակների պետական ծառայությունն էլ հայտնել է, որ հարձակման հետևանքով Կիևի մի քանի շրջաններում բազմահարկ բնակելի շենքեր են հրդեհվել։ Փրկարարների տվյալներով՝ Դեսնյանսկի շրջանի բազմահարկ շենքի երեք հարկերում բռնկված հրդեհի հետևանքով մեկ մարդ մահացել է։ Բնակարաններում հրդեհներ են բռնկվել նաև Կիևի Պոդոլսկի, Դնեպրովսկի, Սոլոմենսկի, Սվյատոշինսկի և Օբոլոնսկի շրջաններում։
Գոլոսիևսկի շրջանում հիվանդանոցի տարածքում բեկորներ են ընկել, Դարնիցկի շրջանում հրդեհ է բռնկվել դպրոցի տարածքում։
Կիևի քաղաքապետ Վիտալի Կլիչկոն հայտնել է երեք զոհի մասին։ Նա նշել է, որ տեղեկությունը նախնական է, քանի որ փրկարարները դեռևս չեն կարողանում մարմինները դուրս բերել փլատակներից։
26 մարդ վիրավորվել է, այդ թվում՝ երկու երեխա՝ 7 և 10 տարեկան։ Ինը մարդ հոսպիտալացվել է, այդ թվում՝ հղի կին, իսկ մյուսները բժշկական օգնություն են ստացել տեղում կամ ամբուլատոր պայմաններում։
Թարգմանությունը՝ Էմմա Չոբանյանի
