09.03.2026 | 21:57
Զելենսկին հայտարարել է, որ Իրանի հարևան երկրներից ԱԹՍ-ների դեմ պայքարի հարցում օգնության 11 դիմում է ստացվել
ՌԴ-ն ճանաչում է միայն այն երկրների վարորդական իրավունքները, որտեղ ռուսերենը պաշտոնական լեզվի կարգավիճակ ունի․ Վոլոդին
Քաղաքականություն
13.11.2025 | 15:52
Ռուսաստանը ճանաչում է միայն այն երկրների վարորդական իրավունքները, որտեղ ռուսերենը ունի պաշտոնական լեզվի կարգավիճակ, մյուսները պետք է քննություն հանձնեն։ Այս մասին հայտարարել է ՌԴ Պետդումայի նախագահ Վյաչեսլավ Վոլոդինը, գրում է ՌԻԱ Նովոստին։
«Մենք չենք կարող ճանաչել այն երկրներից ժամանողների վարորդական իրավունքները, որտեղ ռուսերենը չունի պաշտոնական կարգավիճակ։ Այս դեպքում այդ երկրների քաղաքացիները պետք է հանձնեն կանոնները և քննությունները. միայն այդ դեպքում նրանք կկարողանան ստանալ վարորդական իրավունք»,- ասել է նա լիագումար նիստում։
Վոլոդինը հավելել է, որ ռուսերենի իմացությունը Ռուսաստանի Դաշնությունում օտարերկրյա վարորդական իրավունքները ճանաչելու հիմնարար հարց է։
2017 թվականին Պետդուման ընդունել է օտարերկրյա վարորդների համար նախատեսված փոփոխությունները, որոնց համաձայն՝ նրանց թույլատրվում է աշխատել Ռուսաստանում՝ օգտագործելով այն երկրների վարորդական իրավունքները, որտեղ ռուսերենը պաշտոնական լեզու է։
Թարգմանությունը՝ Էմմա Չոբանյանի
