19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Մոլդովայի օդանավակայանում մոտ 40 ադրբեջանցի ուսանողների թույլ չեն տվել երկիր մուտք գործել․ ՏԵՍԱՆՅՈՒԹ
Քաղաքականություն
13.11.2025 | 15:16
Բաքվից Ուկրաինա մեկնած մի խումբ ադրբեջանցի ուսանողներ ձերբակալվել են Մոլդովայի օդանավակայանում: Այս մասին հայտնում են ադրբեջանական լրատվամիջոցները։
Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեն հայտարարել է, որ շուրջ 40 ադրբեջանցի ուսանողներ, որոնց թույլ չեն տվել Մոլդովա մուտք գործել, կհայրենադարձվեն։ Քիշնևում Ադրբեջանի դեսպանատունը տեղյակ է իրավիճակին, երիտասարդներին տրամադրվել է անհրաժեշտ աջակցությունը։
«Մոլդովական կողմը թույլ չի տվել Ուկրաինայում սովորելու մեկնող ադրբեջանցի ուսանողներին մուտք գործել՝ համալսարան ընդունվելու համար ոչ պատշաճ լրացված փաստաթղթերի պատճառով։ Ուսանողները կվերադարձվեն Ադրբեջան»,- ասել է նա։
Ադրբեջանական լրատվամիջոցները նշում են, որ այդ ուսանողներն ուկրաինական համալսարաններ չեն ուղարկվել պետության կողմից, այլ ընդունվել են մասնավոր ընկերությունների միջոցով, որոնք արտասահմանում կրթություն են գովազդում։
Թարգմանությունը՝ Էմմա Չոբանյանի
