12.01.2026 | 13:27
Կենսաթոշակը կամ նպաստը կանխիկ եղանակով ստացողներն ինչպես կարող են անցնել անկանխիկ տարբերակի. ԱՍՀ-ն ուղեցույց է հրապարակել
Գոռ Մինասյանը՝ Իսլամական համերաշխության խաղերի չեմպիոն
13.11.2025 | 11:54
Ծանրամարտի Հայաստանի հավաքականի կազմում օլիմպիական փոխչեմպիոն, այժմ Բահրեյնը ներկայացնող Գոռ Մինասյանը նվաճել է Սաուդյան Արաբիայի մայրաքաղաք Էր Ռիյադում անցկացվող Իսլամական համերաշխության խաղերի չեմպիոնի տիտղոսը։
Գերծանր քաշային կարգում (+110 կգ) 31-ամյա Մինասյանը երկամարտում գրանցել է 460 կգ (213+247) արդյունք։ Հայ ծանրորդին հաջորդել են Ալի Ռուբայավին (Իրաք, 458 կգ) և Ռեզա Հասանպուր Ֆերեմին (Իրան, 425 կգ)։
Հիշեցնենք, որ Գոռ Մինասյանը Հայաստանի հավաքականի կազմում դարձել է Օլիմպիական խաղերի փոխչեմպիոն, աշխարհի առաջնության կրկնակի փոխչեմպիոն ու կրկնակի բրոնզե մեդալակիր, Եվրոպայի եռակի փոխչեմպիոն ու բրոնզե մեդալակիր։ Նա 2022 թվականի ամառվանից է հանդես գալիս Բահրեյնի դրոշի ներքո։
