31.10.2026 | 13:24
Ըմբշամարտի ԱԱ. Հայաստանի վերջին ներկայացուցիչները պարտվեցին
ԱՄՆ-ում պատմության մեջ ամենաերկար՝ 43-օրյա շաթդաունն ավարտվել է․ Թրամփը ստորագրել է օրենքը
Քաղաքականություն
13.11.2025 | 11:07
ԱՄՆ նախագահ Դոնալդ Թրամփը նոյեմբերի լույս 13-ի գիշերը ստորագրել է դաշնային կառավարության աշխատանքի ֆինանսավորումը մինչև 2026 թվականի հունվարի 30-ը ներառյալ երկարաձգող օրենքը։ Սա նշանավորում է ԱՄՆ պատմության մեջ ամենաերկար շաթդաունի ավարտը, գրում է DW-ի ռուսական ծառայությունը։
Նախորդ երեկոյան օրինագիծը հաստատվել էր ԱՄՆ Ներկայացուցիչների պալատի կողմից։ 222 անդամ քվեարկել է «կողմ», 209-ը՝ «դեմ»։ Նոյեմբերի 11-ի երեկոյան ԱՄՆ Սենատը հաստատել էր շաթդաունի դադարեցման մասին օրինագիծը։
Միացյալ Նահանգներում շաթդաունն այս անգամ տևել է 43 օր, ինչը երկրի պատմության մեջ ամենաերկար նման դադարն է։ Դաշնային բյուջեի շուրջ հանրապետականների և դեմոկրատների միջև տարաձայնությունների պատճառով մոտավորապես 750,000 դաշնային աշխատակիցներ ուղարկվել էին անվարձահատույց արձակուրդի։ Բացառություններ էին արվել միայն կարևորագույն ծառայությունների համար, ինչպիսիք են ավիադիսպետչերական ծառայությունը, ոստիկանությունը, սահմանային պաշտպանությունը և շտապ բժշկական ծառայությունները։
Axios-ը հաղորդել էր, որ կառավարության աշխատանքի դադարեցման պատճառով հետաձգվել է ավելի քան 5 միլիարդ դոլարի (4.3 միլիարդ եվրո) ամերիկյան զենքի մատակարարումը ՆԱՏՕ-ի դաշնակիցներին։
Երկկուսակցական փոխզիջումը ձեռք է բերվել առողջության ապահովագրության հարկային արտոնությունների վերաբերյալ համաձայնության հիման վրա։
Բացի այդ, շաթդաունի ընթացքում դաշնային աշխատակիցները կվերականգնվեն իրենց աշխատանքին և կստանան աշխատավարձի պարտքերը։
Թարգմանությունը՝ Էմմա Չոբանյանի
