21.01.2026 | 23:30
Ինչ իրավիճակ է Հայաստանի ճանապարհներին և Լարսում
Վահան Բադասյանը՝ «Սասնա ծռերի» հետ տարաձայնության և «իշխանափոխություն» իրականացնելու ծրագրի մասին
Քաղաքականություն
30.10.2018 | 20:20
«Սասնա ծռեր» կուսակցությունը հայտարարել է, որ Արցախում ևս պատրաստվում են գործունեություն ծավալել։
Մամուլը գրել էր, որ կուսակցության գործունեությունն Արցախում կգլխավորի ռազմական-քաղաքական գործիչ, Արցախի խորհրդարանի նախկին պատգամավոր Վահան Բադասյանը, սակայն, ըստ լուրերի, վերջինս տարաձայնությունների պատճառով հրաժարվել է համագործակցությունից։
Factor.am-ի հետ զրույցում Վահան Բադասյանը չցանկացավ մեկնաբանել այս լուրերը, ասաց՝ ծրագրի շուրջ են տարաձայնություններ ունեցել, բայց իրենք շարունակում են մնալ ընկերներ։
Բադասյանից նաև տեղեկացանք, որ նա պատրաստվում է նոր կուսակցություն հիմնել և, իր բառերով ասած, իշխանափոխություն իրականացնել:
«Կուսակցության անունը դեռևս հայտնի չէ, բայց լինելու է ազգային-գաղափարական ուղղվածության։ Կազմում կլինեն նախկին զինվորականներ, մտավորականներ, արցախյան շարժման մասնակիցներ։ Սկզբունքը դրել ենք այն հարցը, թե հնարավոր է Արցախում և Հայաստանում ապրել, թե՝ ոչ։ Մենք ասում ենք, որ հնարավոր է և մարդիկ կարող են հարուստ ապրել և ոչ թե աղքատ, որ արտագաղթեն։ Մենք գիտենք այդ ձևերը, տեսնում ենք տնտեսական այդ ծրագիրը, տեսնում ենք, թե ինչպես կարելի է ապահովել անվտանգությունը։ Վստահաբար ասեմ, որ մենք կարողանալու ենք իշխանափոխություն կատարել մոտ ժամանակներում»,- ասաց նա։
Լիլիթ Շաբոյան
