31.10.2026 | 17:23
Երևանում բացվել է «ՀայՓաս»-ի երկրորդ գրասենյակը
ՌԴ ԱՀԾ հաղորդումները երբեք անհիմն չեն լինում․Պեսկովը՝ ՀՀ-ի կողմից ռուսական հացահատիկից, իբր, հրաժարվելու մասին
Քաղաքականություն
12.11.2025 | 14:53
Ռուսաստանի արտաքին հետախուզության ծառայության (ԱՀԾ) հաղորդագրությունները երբեք անհիմն չեն լինում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՀԾ-ի հայտարարությունը, թե Երևանը, իբր, մտադիր է հրաժարվել ռուսական հացահատիկից՝ ուկրաինական հացահատիկի օգտին։
«ԱՀԾ-ի հաղորդագրությունները երբեք անհիմն չեն լինում»,- ճեպազրույցի ժամանակ ասել է Կրեմլի խոսնակը։
Նա նաև նշել է, թե Ռուսաստանի և Հայաստանի երկկողմ համագործակցության օրակարգում կան բազմաթիվ հարցեր։
«Դուք գիտեք, որ տեղի են ունենում հաճախակի շփումներ ամենաբարձր մակարդակով։ Մենք երկկողմ համագործակցության օրակարգում ունենք բազմաթիվ հարցեր։ Հուսով ենք, որ այս համագործակցությունը կշարունակվի»,- ասել է Պեսկովը։
Ավելի վաղ ՌԴ ԱՀԾ-ն հայտարարել էր, թե, իբր, քաղաքական պատճառներով Հայաստանը մտադիր է հրաժարվել ռուսական հացահատիկից՝ հօգուտ Եվրամիության հաշվին ֆինանսավորվող ավելի թանկ ուկրաինական հացահատիկի։ ՀՀ վարչապետ Նիկոլ Փաշինյանը սա որակել է «բացարձակ անհեթեթություն»։
Թարգմանությունը՝ Էմմա Չոբանյանի
