12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
ԱՄՆ-ում ՀՀ դեսպանն ու «The Beacon Council» ընկերության ներկայացուցիչները քննարկել են համագործակցության հեռանկարները
Քաղաքականություն
12.11.2025 | 11:29
Միացյալ Նահանգներում Հայաստանի դեսպան Նարեկ Մկրտչյանը հանդիպել է «Beacon Council»-ի գործադիր փոխնախագահ, դոկտոր Փաուլա Հոփքինսի, փոխնախագահ Խուլիո Պիտիի, բիզնեսի զարգացման գծով տնօրեն Մարիքսել Գարսիայի, ինչպես նաև «The Beacon Council»-ի խորհրդի անդամ և «Diaz Reus» միջազգային իրավաբանական ընկերության գլոբալ կառավարման գործընկեր Մայքլ Դիաս կրտսերի հետ․ այս մասին հայտնում է ԱՄՆ-ում ՀՀ դեսպանությունը՝ մանրամասնելով, որ հանդիպման ընթացքում քննարկվել են համագործակցության հնարավորությունները։
««The Beacon Council»-ի ներկայացուցիչները պատրաստակամություն հայտնեցին աջակցել հայկական ընկերություններին՝ Ֆլորիդայի և ավելի լայն՝ ամերիկյան շուկա մուտք գործելու հարցում»,-ասված է դեսպանության տարածած հաղորդագրության մեջ։
Նշվում է, որ «The Beacon Council» մասնավոր-հանրային գործընկերությունը Մայամի-Դեյդ շրջանի պաշտոնական տնտեսական զարգացման կազմակերպություն է, որը սերտորեն համագործակցում է տեղական իշխանությունների և բիզնես համայնքի հետ՝ նպաստելով ներդրումների ներգրավմանը և տնտեսական աճին։
