16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
ՌԴ-ն հայտնել է Ուկրաինայի հետախուզության կենտրոնին և F-16-երի տեղակայման օդանավակայանին հարվածի մասին
Քաղաքականություն
11.11.2025 | 15:23
Ռուսաստանի զինված ուժերը հարվածներ են հասցրել Ուկրաինայի պաշտպանության նախարարության ռադիոէլեկտրոնային հետախուզության գլխավոր կենտրոնին Կիևի մարզի Բրովարի քաղաքում և Խմելնիցկիի մարզի Ստարոկոստյանտինովի օդանավակայանին, որտեղ տեղակայված են F-16 կործանիչներ։ Այս մասին հայտնել է ԱԴԾ-ն, գրում է ՌԲԿ-ն։
Նշվում է, թե նոյեմբերի 9-ից 10-ը հարվածն իրականացվել է «Կինժալ» գերձայնային հրթիռների միջոցով և պատասխան է եղել ռուսական ՄիԳ-31 կործանիչ ինքնաթիռն առևանգելու փորձին, որի խափանման մասին գերատեսչությունը ավելի վաղ հայտնել էր։ Օդաչուներն այս մասին հայտնել են իրենց հրամանատարությանը, որը կապ է հաստատել անվտանգության ծառայությունների հետ, որից հետո հատուկ ծառայությունները որոշել են անցկացնել գործողությունը։
Նշվում է, որ «Կինժալ» տեղափոխող ՄիԳ-31-ը նախատեսվում էր առևանգել Սև ծովի վրա թռիչքի ժամանակ, և որ Ալեքսանդր անունով Ուկրաինայի ներկայացուցիչը կապի մեջ է եղել։
Նոյեմբերի 10-ին Ռուսաստանի պաշտպանության նախարարությունը հայտարարել է խմբային հարվածի մասին, որը ներառում է «Կինժալ» հրթիռների կիրառում, Ուկրաինայի ռազմական օդանավակայանների, Ուկրաինայի զինված ուժերի ռադիոէլեկտրոնային հետախուզության կենտրոնի, «Օլխա» համազարկային կրակի ռեակտիվ համակարգի հրթիռային պահեստի, ինչպես նաև հեռահար անօդաչու թռչող սարքերի հավաքման արհեստանոցների և պահեստավորման օբյեկտների դեմ: Նախարարության հայտարարության մեջ նշվում է, որ սա պատասխան է Ռուսաստանում քաղաքացիական թիրախների վրա Ուկրաինայի հարձակումներին:
Ուկրաինական կողմն այս հայտարարությունները դեռևս չի մեկնաբանել։
Թարգմանությունը՝ Էմմա Չոբանյանի
