28.04.2026 | 17:17
Վահագն Խաչատուրյանն ընդունել է Էստոնիայի Ռիյգիկոգուի Էստոնիա-Հայաստան խորհրդարանական բարեկամական խմբի անդամներին
Պեսկովն անվանել է Ուկրաինայում պատերազմի ավարտի պայմանը
Քաղաքականություն
10.11.2025 | 18:38
Ուկրաինայի հակամարտությունը կավարտվի, երբ Ռուսաստանը հասնի «հատուկ ռազմական գործողության» (Մոսկվան այսպես է անվանում ուկրաինական պատերազմը) ընթացքում սահմանված նպատակներին։ Այս մասին հայտարարել է նախագահի մամուլի քարտուղար Դմիտրի Պեսկովը, փոխանցում է Lenta-ն։
«Իհարկե, մենք կցանկանայինք, որ այս հակամարտությունը հնարավորինս արագ ավարտվեր, և այն կարող է ավարտվել, երբ Ռուսաստանը հասնի իր այն առաջադրանքներին, որոնք նա դրել է սկզբում»,- ասել է նա։
Պեսկովի խոսքով՝ Մոսկվան նախընտրում է հակամարտությունը լուծել քաղաքական և դիվանագիտական միջոցներով, ինչպես բազմիցս նշվել է։
Ավելի վաղ էլ ՌԴ Պետդումայի պատգամավոր Անդրեյ Կոլեսնիկը հայտարարել էր, որ պատերազմը կարող է դադարեցվել ցանկացած պահի, բայց միայն այն դեպքում, եթե դա ընդունելի լինի Ռուսաստանի համար։
Թարգմանությունը՝ Էմմա Չոբանյանի
