29.07.2026 | 19:37
Ջրափրկարարները քաղաքացիներին անվնաս դուրս են բերել ափ
Կարոտում եմ ամբողջ հոգով․ Մեսին վերադարձել է «Կամպ Նոու»
10.11.2025 | 18:50
Աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսին այցելել է իր նախկին ակումբ կատալոնական «Բարսելոնայի» տնային ստադիոն «Կամպ Նոու», որն այս պահին վերակառուցման փուլում է։
«Երեկ երեկոյան վերադարձա մի վայր, որը կարոտում եմ ամբողջ հոգով, վայր, որտեղ անչափ երջանիկ եմ եղել։ Որտե՞ղ եք, ընկերներ, այստեղ ինձ թույլ են տվել հազար անգամ ավելի երջանիկ լինել աշխարհի ամենաերջանիկ մարդկանցից։
Հուսով եմ՝ մի օր կկարողանամ վերադառնալ և ոչ միայն որպես ֆուտբոլիստ, որը հրաժեշտ է տալիս․ դա այդպես էլ չհաջողվեց անել»,- սոցցանցերում գրել է 38-ամյա Մեսին։
Հիշեցնենք, որ «Ոսկե գնդակի» 8-ակի դափնեկիրը «Բարսելոնայի» գլխավոր թիմում խաղացել է 2003-2021 թվականներին։ Մեսին 2023 թվականից է խաղում «Ինտեր Մայամիում», որն օրեր առաջ երկարաձգել էր նրա հետ գործող պայմանագրի ժամկետը մինչև 2028 թվականը։
Посмотреть эту публикацию в Instagram
